Situata e vështirë në vend/ Ministria e Mbrojtjes bën bilancin, ja sa familje janë evakuuar

10 Janar 2021, 14:20, Aktualitet CNA

Gjendja e rëndë që është krijuar si pasojë e motit të keq e ka ?zhytur? Shkodrën dhe Lezhën në ujë, duke u bërë dy nga vendet më problematike. Ministria e Mbrojtjes ka bërë një bilanc të situatës, ku theksohet se në jug gjendja është stabilizuar, ndërsa që qarku i Shkodrës vijon të jetë nën monitorim.

Ministria e Mbrojtjes bën me dije se po bëhet e mundur trasportimi i njerëzve me mjete lundruese, si dhe janë shpërndarë pako me ndihma ushqimore në Shkodër, Lezhë dhe Durrës. Nga bilanci mësohet se deri tani në Shkodër nuk ka asnjë familje të evakuuar, ndërsa janë përmbytur 4080 ha tokë bujqësore.

?Forcat e Armatosura angazhohen në terren për përballimin e përmbytjeve

Në jug të vendit dhe në rajonin qendror situata është drejt normalizimit, ndërkohë që ka një përmirësim të dukshëm edhe në Lezhë.

Qarku i Shkodrës është në monitorim të vazhdueshëm si nga strukturat vendore ashtu edhe nga ato qendrore. Forcat e Armatosura po mundësojnë lëvizjen e banorëve me mjete lundruese dhe mjete të larta. Gjithashtu FA po transporton pakot ushqimore nga Rezervat e Shtetit, drejt zonave të prekura. Të gjitha hidrovoret në qarqet Shkodër, Lezhë dhe Durrës funksionojnë me kapacitet të plotë.

Në Shkodër nuk ka asnjë familje të evakuuar, ndërkohë që janë përmbytur 4080 ha tokë. Si pasojë e rrëshqitjeve të tokës 3 banesa janë bërë të pabanueshme në bashkinë Pukë. Aksi rrugor rural Bogë-Qafë Thore është i bllokuar, i pakalueshëm, ka rreth 1m borë. Rruga e fshatit Dardhë, bashkia Fushë Arrëz është shembur rreth 60-70 metra (që më dt. 31.12.2020) duke e bërë rrugën të pakalueshme?, thuhet në njoftimin e Ministrisë së Mbrojtjes.

Ministria bën me dije se Lumi Drin është ulur me 70 cm nga kuota kritike dhe janë evakuuar 28 familje, ndërsa 2850 ha tokë është nën ujë.

?Në qarkun Lezhë lumi Drin është ulur 70 cm nga kuota kritike, ndërkohë që janë evakuuar 28 familje. 2850 ha tokë në këtë qark është nën ujë. Nga rrëshqitjet e tokës 6 banesa janë bërë të pabanueshme në Lezhë dhe 2 të tjera në Mirditë.

Rruga Gallat-Minjollë në Milot dhe rruga pranë lumit Drojë janë të bllokuara. 600 pako ushqimore janë shpërndarë në Lezhë, Kurbin dhe Mirditë. Në qarkun Durrës janë evakuuar 8 familje, ndërkohë që 20 banesa janë përmbytur dhe ka prezencë uji.

Sipërfaqe nën unë janë 520 ha. 300 pako ushqimore janë shpërndarë në këtë qark në Durrës, Krujë dhe Shijak. Ndërkaq, ministri i Mbrojtjes Niko Peleshi bashkë me shefin e Shtabit të Përgjithshëm të FA gjeneralmajor Bajram Begaj dhe drejtorin e Agjencisë Kombëtare të Emergjencave Civile ndodhen në zonat e prekura në Shkodër dhe Lezhë për të koordinuar nga afër situatën?, thuhet në njoftimin e Ministrisë së Mbrojtjes./CNA.al