E fundit!

15:07 Kosova & Bota

Senati amerikan sjell projektligjin e rishikuar për sanksionet ndaj Rusisë

Një grup senatorësh dypartiak në Shtetet e Bashkuara e par...

Rama në Greqi/ PDIU: Nuk është transparent, bisedon i vetëm dhe nuk jep informacione

9 Janar 2021, 11:27, Aktualitet CNA

Partia për Drejtësi, Integrim dhe Unitet ka reaguar pas vizitës së kryeministrit Edi Rama në Greqi, ku u takua me ministrin e Jashtëm dhe kryeministritn Kirios Mitsotakis.

Përmes një deklarate të shpërndarë për mediat, PDIU kritikon qëndrimet e Ramës. Duke analizuar vizitën e tij dje në Athinë dhe darkën personale me homologun grek pa asnjë staf apo diplomat, PDIU thekson se kjo cënon interesat e shqiptarëve.

Kjo parti rëzoi edhe pretendimet se Rama shkoi në Greqi për të qetësuar ujërat e trazuar mes Athinës dhe Stambollit.

?Përkundër përpjekjes së mediave afër Kryeministrit Edi Rama për të krijuar idenë e një roli ndërmjetës të tij midis Greqisë dhe Turqisë, në sytë e shqiptarëve mbeten faktet kokëforta. Si për të treguar se nuk influencohet nga pritja protokollare dhe miqësia e Edi Ramës me Presidentin Erdogan, pala greke në të njëjtën ditë dorëzoi në Parlamentin e vet, ligjin për zgjerimin e detit territorial në Jon në 12 milje. Kreu i qeverisë shqiptare shkon në takime për të cilat jepet informacion zyrtar kryesisht nga pala greke, ndërkohë që Rama flet për ndjesitë e tij personale nga takimet.

Qasja e zgjedhur prej tij për t?u përballur me palën greke është rreptësisht personale: pa shoqërues politikë, pa staf, pa diplomatë, i vetëm fillikat. Kësisoj është plotësisht legjitime që kënaqësisë së tij për ?shijen e shkëlqyer për drekën me grekët?, ne t?i kundërvëmë faktet?, shprehet PDIU.

Më tej, PDIU shprehet se Rama nga takimi në Greqi me homologun e tij nuk ka dhënë asnjë detaj dhe nuk ka qenë transparent për çështjet që janë diskutuar. ?Rama flet vazhdimisht për ?darka të bukura?, siç bëri në shtator 2020, dhe ?shije të mrekullueshme mikpritjeje?, ?për marrëdhënie të shkëlqyera? në janar 2021. Mirëpo faktet kokëforta na tregojnë se nga ky përmirësim marrëdhëniesh përfiton vetëm pala greke. Ajo ka avancuar një agjendë interesash të saj, që i ngjan një menuje të mrekullueshme vetëm për grekët: zgjerimi i detit territorial në 12 milje; procesi i pritshëm i censusit me vetëdeklarim; mbajtja në këmbë e ligjit të luftës; mosndryshimi i qasjes ndaj Çamërisë martire; zgjerimi i varrezave të ushtarëve grekë në Shqipëri; zgjerimi i zonave minoritare apo homogjene në Vlorë, Konispol, Përmet, etj.

Cila është agjenda jonë e interesave? Rama nuk është transparent, bisedon i vetëm, nuk jep informacione. Kush e di si funksionon ai, e di që nëse do të kishte përparim në ?kërkesat e të ashtuquajturës shportë shqiptare të problemeve historike apo moderne?, Rama do t? i bënte publike. Mirëpo heshtje?, shprehet PDIU./CNA.al