web counter
LEXO PA REKLAMA!

SHKARKO APP

App Store
Google Play

E fundit!

x

“Priten rreshje shiu intensive”/ IGJEUM nxjerr datat: Rrezikohet përmbytje

6 Janar 2021, 11:54, Sociale CNA

Instituti i Gjeoshkencave, Energjisë, Ujit dhe Mjedisit ka paralajmëruar përmbytje në vend, për shkak të reshjeve të mëdha qe pritet të ketë nga data 6 deri në 11 janar.

Për shkak të reshjeve të dendura, IGJEUM bën me dije se do të ketë edhe rritje të rezikshme të prurjeve në lumenj, ku më të rezikshëm do të jenë Drini, Buna dhe Liqeni i Shkodrës.

?Sipas llogaritjeve të IGJEUM, përgjatë datave (6 -11 Janar 2021) priten reshje shumë intensive, pothuajse në të gjithë territorin. Nga llogaritjet hidrologjike të IGJEUM,  këto reshje do të sjellin rritje të rrezikshme të prurjeve në lumenjtë e mëdhenj dhe të mesëm Drin-Buna, Mat, Ishëm, Erzen, Shkumbin, Seman dhe Vjosë.

Përmbytje mund të shkaktohen nga lumi Drin-Buna dhe Liqeni i Shkodrës me prurjet maksimale të cilat parashikohen të arrijnë zonat e rrezikuara në datën 12 Janar 2021. Lumenjtë Mat, Ishëm, Erzen dhe Shkumbin do i arrijnë prurjet maksimale në fundin e datës 8 dhe 9 Janar 2021. Lumenjtë Seman dhe Vjosa parashikohen të rrezikshëm por me probleme më të vogla lokale të përmbytjeve?, thotë IGJEUM.

Por IGJEUM parashikon se do të ketë edhe rrëshqitje të dherave në të gjithë teritorin, duke shtuar se shkalla e rezikut nga përmbytjet do varet edhe nga sasia e shkrirjes së dëborës.

?Shkalla e rrezikut nga përmbytjet lumore do varet edhe nga sasia e shkrirjes së dëborës si pasojë e rritjes së temperaturave. Përmbytje urbane dhe rrëshqitje të dherave mund të ndodhin gjithashtu në pothuajse të gjitha qarqet.  Ky informacion do të përditësohet nga IGJEUM sipas llogaritjeve më të fundit hidrologjike dhe do të njoftoheni për çdo ndryshim në parashikimin e përmbytjeve?, shprehet IGJEUM./CNA.al





Lajmet e fundit nga