Ndërpreja e garës për në Gjykatën Kushtetuese/ Zhaklina Peto padi kundër KED

28 Dhjetor 2020, 12:19, Aktualitet CNA

Kandidatja për Gjykatën Kushtetuese, Zhaklina Peto ka depozituar padi kundër Këshillit të Emërimeve në Drejtësi lidhur me ndërprerjen e garës për t?u bërë pjesë e Gjykatës Kushtetuese.

Ajo ka deklaruar se e ka depozituar padinë me postë për shkak të pamundësisë për t?u paraqitur personalisht apo për të caktuar një person me prokurorë.

Në padinë e saj, Peto shprehet se e cilëson rrëzimin e kandidaturës së saj një akt të marrë në shkelje të rënda të procedurës së gjykimit.

Sipas Petos, relatorja Miranda Andoni dhe KED nuk kanë pritur dhe kanë vazhduar mbledhjen në orën 12:00, dhe rreth 6 orë pas mbledhjes ajo është njoftuar se është skualifikuar nga gara, pavarësisht gjendjes së saj pas infektimit me Covid.

?Unë kërkuesja Zhaklina Peto, kam aplikuar pranë Këshillit të Emërimeve në Drejtësi për vendin vakant për gjyqtare në Gjykatën Kushtetuese, vakancë e shpallur nga presidenti i Republikës me datën 22 Nëntor 2019. Pasi u njoha me arsyetimin e vendimit nr. 61 datë 23 Dhjetor 2020 të Këshillit të Emërimeve në Drejtësi për përfundimin e procedurës së verifikimit, vlerësimit, pikëzimit dhe renditjes së kandidaturës së Zhaklina Petos për shkak të dorëheqjes nga kandidimi për vendin vakant për gjyqtar në Gjykatën Kushtetuese të shpallur nga presidenti, bazuar në parashikimet e nenit 238, pika 1 të Ligjit nr. 115/2016 ?Për organet e qeverisjes së sistemit të drejtësisë?, kundërshtoj këtë vendim si një akt i marrë në shkelje të rënda të procedurës së gjykimit?, thuhet në padinë e Petos.

Peto ka renditur sipas saj shkeljet e KED-së:
Mohimi i të drejtës për një proces të rregullt ligjor; Mohimi i të drejtës për tu dëgjuar në; Mohimi i të drejtës për tu mbrojtur; Mosnjoftimi në mënyrë të qëllimshme rreth rezultateve konkrete të marra nga institucionet shtetërore;

Hartimi i një relacioni në keq interpretim të të dhënave të marra nga institucionet shtetërore apo mospasqyrim me dashje e dokumentacionit të nxjerrënga institucionet shtetërore në favorin tim;

Keqbesimi në vlerësimin ligjor të gjetjeve;
Shkeljen e rregullave procedurialë të parashikuar në nenin 223, 224 dhe 225 të Ligjit nr. 115/2016, përsa i përket formimit të trupës vlerësuese me anëtarë të paanshëm qoftë edhe në dukje; shkeljen e rregullave proceduriale në thirrjen e mbledhjes së organit kolegjial, standartet që duhet të përmbushin aktet që i nënshtrohen vlerësimit dhe vendimmarrrjes së organit kolegjial, procedurat që ndjek organi kolegjial në diskutimin e çështjeve për të cilat është thirrur;

Mungesa e standarteve në kryerjen e procedurës së vlerësimit, në shkelje të të gjitha parimeve kushtetuese; Vendosja e kufizimit të së drejtës në mënyrë të paarsyetuar dhe në kundërshtim me kriteret ligjore dhe frymën e kushtetutës, Mungesë e arsyetimit të vendimit.

Kujtojmë se Peto ka paditur më parë KED-në, pasi këta të fundit e përjashtuan nga gara për në Gjykatën Kushtetuese për mosplotësim kriteresh. Gjykata Kushtetuese është funksionale tashmë me 6 anëtarët e zgjedhur, pas emërimit të Altin Binajt./CNA.al