web counter
LEXO PA REKLAMA!

SHKARKO APP

App Store
Google Play

“Shqipëria ka çmimet më të larta të ushqimeve në E uropë”/ Zotohet Basha: Do luftoj monopolet dhe klientelizmin

20 Dhjetor 2020, 16:27, Politikë CNA

Kreu i Partisë Demokratike Lulzim Basha komentoi situatën në vend, duke deklaruar se Shqipëria zë vendin e tretë në Europë për çmimet më të shtrenjta të bazës ushqimore.

Përmes një postimi në rrjetin social, Basha shkruan se në bazë të të dhënave të Eurostat gjatë 7 viteve të qeverisjes nga Edi Rama çmimet e ushqimeve në vend kanë shkuar në stratosferë.

Basha zotohet se sapo të vijë në pushtet do të ulë çmimet duke luftuar monopolet dhe klientelizmin, duke u kujdesur sipas tij vetëm për qytetarët.

“Shqipëria renditet e 3-ta në Europë për rritjen e çmimeve të shportës bazë ushqimore. Të dhënat e publikuara nga EUROSTAT tregojnë se Shqipëria ka rritjen më të madhe të çmimeve të ushqimeve në Europë! Gjatë 7 viteve të dështuara të Edi Ramës, çmimet e ushqimeve në Shqipëri janë ngritur në stratosferë. Durimit i ka ardhur fundi!

Ne do të ulim çmimet e ushqimeve duke luftuar monopolet dhe klientelizmin, dhe do të kemi një qeveri që kujdeset për njerëzit, në vend të një qeverie që kujdeset për veten dhe klientët e saj”, shkruan Basha./CNA.al





Lajmet e fundit nga