web counter
LEXO PA REKLAMA!

SHKARKO APP

App Store
Google Play

E fundit!

x

Miratohen përfundimet për zgjerimin e BE, kuadri negociues mbetet për vitin tjetër

16 Dhjetor 2020, 17:18, Politikë CNA

Këshilli i Ambasadorëve të Bashkimit Europian ka miratuar përfundimet për zgjerimin. Në dokumentin e miratuar vlerësohen arritjet e Shqipërisë për konferencën ndërqeveritare dhe vendosen piketat për çeljen e kapitujve të negociatave.

Kuadri negociues dhe konferenca simbolike e anëtarësimit shtyhen për në presidencën portugeze pas janarit të vitit që vjen si për Shqipërinë ashtu edhe për Maqedoninë e Veriut.

Korrespondenti i Euronews Albania në Bruksel, Ernest Bunguri raporton se shkak është bërë bllokimi që Bullgaria i ka bërë hapjes së negociatave me Maqedoninë e Veriut.

Për këtë arsye, Gjermania si vend që kryeson Presidencën e BE-së nuk ka dashur që procesi i integrimit për dy vendet e Ballkanit Perëndimor të mos veçohet në mënyrë që të mos përçohet një mesazh negativ për RMV.

Do të jetë pikërisht presidenca e portugeze që pritet të caktojë dhe datën për mbajtjen e konferencës së parë ndërqeveritare për anëtarësimin e dy vendeve në BE.

Për Shqipërinë kusht mbetet vënia në funksion e Gjykatës Kushtetuese dhe miratimi i ligjit të mediave sipas rekomandimeve të Komisionit të Venecias./Euronews





Lajmet e fundit nga