web counter
LEXO PA REKLAMA!

SHKARKO APP

App Store
Google Play

Balluku në aeroportin e Kukësit/ Kantier gjigand, angazhim maksimal për t’a përfunduar brenda afatit të premtuar

16 Dhjetor 2020, 12:01, Aktualitet CNA

Ministrja e Infrastrukturës, Belinda Balluku inspektoi sot punimet për ndërtimin e Aeroportit të Kukësit. Në këtë inspektim Balluku shoqërohej nga kryetari i bashkisë Kukës, Safet Gjici dhe përfaqësuesit e kompanisë koncensionare.

Ridgers Mema, përfaqësues i ?Kukës International Airport?, bëri të ditur se punimet kanë avancuar ndjeshëm dhe se synohet që ato të përfundojnë në fund të muajit shkurt, për t?i lënë më pas kohën testimeve të nevojshme për t?u certifikuar si aeroport ndërkombëtar.

?Fatkeqësisht të gjitha objektet ekzistuese në aeroportin e Kukësit ishin jashtë standardit dhe na u desh t?i shembnim ose jemi në pritje që t?i shembnim, siç është kulla, magazina dhe terminali i vjetër. Çdo gjë është ndërtuar nga fillimi, sepse të gjitha objektet ekzistuese nuk i plotësonin dot kushtet, sidomos distancat nga pista, për të bërë të mundur navigimin ajror?, sqaroi Mema.

Balluku tha se për ndërtimin e Aeroportit të Kukësit po punojnë njëkohësisht disa kompani, krahas atyre shqiptare edhe kompania holandeze NACO, një ndër kompanitë më të njohura në botë në fushën e aviacionit civil.

?Jemi në një aeroporti, i cili është ndërtuar për qëllime ushatarake, me parametra të tjerë, të cilët nuk përputhen me parametrat e aviacionit civil, kështu që pavarësisht se është thënë gjithmonë që aeroporti i Kukësit ekziston aty dhe mjafton të bëhen disa modifikime, këtu praktikisht po ndërtohet një aeroport i ri?, u shpreh ministrja e Infrastrukturës dhe Energjisë, Belinda Balluku./CNA.al





Lajmet e fundit nga