E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Klodiana Lala ngre dyshimet/ Çfarë qëndron pas deklaratave të policisë për Rashën

9 Dhjetor 2020, 22:12, Kronika CNA

Gazetarja Klodiana Lala, ka ngritur dyshime të forta për vrasjen e Klodian Rashës dhe deklaratat e Policisë së Shtetit.

Lala tha se policia nuk ka bërë transparencë për ngjarjen, pasi doli tre herë me versione të ndryshme.

Ajo theksoi se ka ende pikëpyetje për faktin se kujt i përkiste arma që është gjetur pranë vendit ku është vrarë i riu.

Gazetarja deklaroi në ?Real Story? se policia duhet të mbajë përgjegjësi nëse ka tentuar të fshehë të vërtetën.

?Polici është një fatkeq, që ka shkaktuar një ngjarje shumë të rëndë, sepse ka një viktimë, një familje që ka humbur djalin në lule të rinisë. Por unë e shoh policin si fatkeq, sepse nuk ka funksionuar sistemi, mënyra si funksionojnë skuadrat ?Shqiponja?. Te këto të fundit duhet të shkojnë ata që janë më të stërvitur. Policia do duhet trajnuar për mënyrën se si duhet të reagojë ndaj qytetarëve. Ka shumë pikëpyetje mbi ngjarjen, e para me mënyrën si reagoi policia.

Mendoj se ka një lloj zemërimi te familja e Klodian Rashës, por as policia nuk ishte transparente në mënyrën si e transmetoi ngjarjen, pasi në fillim fare tha se viktima kishte në dorë diçka të ngjashme me armën, pastaj tha se aty afër u gjet një armë dhe në fund theksoi se polici ka kryer një vrasje në kushtet e vetëmbrojtjes. Së pari, efektivët e ?Shqiponjave? nuk duhet të qëndrojnë të vetëm në rrugë, si dhe duhet të kenë mburojë me vete. Ligji thotë se polici duhet të reagojë me armë, kur rreziku është në proporcion, pra kur objektivi i drejton armën. Së pari, duhet të qëllojë në ajër, së dyti duhet ta qëllojë në pjesën e poshtme të gjymtyrëve dhe vetëm kur ka shumë rrezik duhet ta qëllojë për vdekje.

Pikëpyetje është edhe fakti që nuk ka dalë akoma se kujt i përkiste arma, që është gjetur pranë vendit ku është vrarë Klodian Rasha. Pse kamerat e trupit të policëve nuk ishin të ndezura? Policia nuk ka bërë transparencë për ngjarjen dhe nëse ka bërë veprime për ta fshehur të vërtetën, duhet të mbajë përgjegjësi”, u shpreh Lala./ CNA.al