web counter
LEXO PA REKLAMA!

SHKARKO APP

App Store
Google Play

Arrestimi i Indrit Taullait në Kosovë/ Kush e kërkoi ndalimin e tij

8 Dhjetor 2020, 09:13, Kronika CNA

Autoritetet e Policisë në Kosovë kanë arrestuar pak ditë më parë Indrit Taullain i njohur si ish-anëtar i ?Bandës së Durrësit?.

Ai ka qenë i shpallur në kërkim nga autoritetet shqiptare dhe sipas burimeve arrestimi i tij është bërë me kërkesë të Interpol Tiranës dhe zyrës për bashkëpunim ndërkombëtar në Kosovë. Mësohet se ndaj tij ka një urdhër ndalimi nga SPAK-u, megjithëse burimet tregohen të rezervuara sa i përket akuzës së ngritur ndaj tij dhe për çfarë po hetohet nga Prokuroria e Posaçme.

?Me kërkesë të Interpol Tirana dhe zyrës për bashkëpunim ndërkombëtar në Kosovë, ILECU, më datë 06 dhjetor 2020, rreth orës 14:21, në Prizren, është bërë i mundur ndalimi dhe arrestimi i personit të dyshimtë I.T., i lindur në vitin 1975. I arrestuari dyshohet për pjesëmarrje në organizatë kriminale në Shqipëri. I njëjti ka hyrë në Republikën e Kosovës më datë 05 dhjetor 2020?, thuhet në një njoftim të Policisë së Kosovës. Pritet që Taullai të transportohet në Tiranë, ku do të përballet me akuzat e ngritura nga SPAK-u.

Indrit Taullai ka qenë i dënuar me 25 vite burg, pasi u arrestua si pjesë ?Bandës së Durrësit?, të cilët akuzohen për një sërë vrasjesh për hakmarrje ndaj grupeve kriminale rivale.

Më herët ai ishte liruar nga burgu nga një vendim i Gjykatës së Lartë, pasi vuante nga sëmundje e rëndë, ku argumentohej se duhej të trajtohej në kushte spitalore, jashtë ambienteve të burgut.

Pak orë pas vendimit të Gjykatës së Lartë, e cila pranoi më 29 qershor 2017 kërkesën për lirimin me kusht të Indrit Taullait, ky i fundit ka lënë qelitë e burgut.

Vendimi i Gjykatës së Lartë erdhi pas kërkesës së Taullait, pasi vuante nga një sëmundje e rëndë. Ishanëtari i ?Bandës së Durrësit?, Indrit Taullai i shpëtoi dënimit me ?burg përjetë?, pas rekursit në Gjykatën e Lartë, e cila e transferoi atë në burgun e sigurisë së zakonshme në Durrës, prej nga ku edhe la qelinë disa orë më pas. Taullai, i cili ishte dënuar nga gjykata me 25 vite burg, akuzohej për disa vepra penale./CNA.al.

 

 

 





Lajmet e fundit nga