web counter
LEXO PA REKLAMA!

SHKARKO APP

App Store
Google Play

E fundit!

x

Kush është viktima e atentatit në Vlorë/ Zbardhet e shkuara e errët

1 Dhjetor 2020, 20:57, Kronika CNA

Zbulohet identiteti i viktimës së të shtënave me armë në Orikum  të Vlorës.

Raportohet se nga të shtënat me armë ka mbetur i vdekur Benjamin Bezhani. Ai ka marrë disa plumba teksa ka qenë duke udhëtuar me makinën e tij.

Autorët e paidentifikuar kanë qëlluar me armë drejt tij dhe janë larguar nga vendngjarja, ndërsa raportohet se Bezhani është një person i njohur për policinë.

Viktima, rreth 27 vjeç, ka qenë i dënuar më parë dhe ka vuajtur dënimin në Itali.

“Më datë 01.12.2020, rreth orës 21:00, në Sallën Operative Vlorë ka ardhur një telefonatë nga një qytetar se në Fushë- Dukat, Orikum një automjet ka ndaluar në rrugë dhe brenda tij ka një person të pa jetë.

Menjëherë kanë shkuar shërbimet e Policisë dhe kanë konstatuar të pajetë shtetasin B. B., rreth 27 vjeç, dyshohet ka humbur jetën nga përdorimi i armës së zjarrit.

Shërbimet e Drejtorisë Vendore të Policisë Vlorë dhe të Stacionit të Policisë Orikum kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen“, thuhet në njoftimin e policisë.

Ndërkaq, grupi hetimor nën drejtimin e Prokurorisë po vijon punën për sqarimin e rrethanave të ngjarjes, me qëllim identifikimin dhe kapjen e autorëve./ CNA.al





Lajmet e fundit nga