web counter
LEXO PA REKLAMA!

SHKARKO APP

App Store
Google Play

E fundit!

x

“Teksa shtrëngoja fëmijën tim të parë po humbisja të dytin”/ Rrëfimi prekës i Meghan Markle për abortin

25 Nëntor 2020, 10:10, Lifestyle CNA

Dukesha Meghan Markle si asnjëherë më parë i ka prekur të gjithë me lajmin e trishtë për abortin e fëmijës së dytë.

Ajo ka treguar për New York Times se ka kaluar abort gjatë muajit Korrik dhe ka treguar se si e ka përjetuar atë moment të dhimbshëm.

?Pasi i ndërrova pelenën ndjeva një shtrëngim të fortë. Shkova në katin poshtë me Archie-n në krahë, duke kënduar një ninullë për të na qetësuar të dyve, por po e ndjeja se diçka nuk po shkonte mirë. E dija se ndërsa shtrëngoja fëmijën tim të parë, po humbisja të dytin?, tregon Meghan.

?Orë më vonë, isha shtrirë në një krevat spitali, duke shtrënguar dorën e bashkëshortit tim. E ndjeja mpirjen e pëllëmbës së tij dhe e putha tek gishtërinjtë, që ishin të lagur nga lotët tanë. Duke parë muret e bardhë dhe të ftohtë po imagjinoja se si ne do të shëroheshim?, vijon më tej Dukesha.

Ajo ka treguar se gjatë asaj kohe u përpoq të shfaqej e fortë dhe e guximshme në publik dhe ka kujtuar momentin kur falenderoi një gazetar që e pyeti gjatë një interviste se si ishte me shëndet.

?Unë iu përgjigja me sinqeritet, duke mos ditur që ajo që thashë do të jehonte kaq shumë tek nënat e reja dhe tek më të moshuarat, tek kushdo që në mënyrën e vet vuante në heshtje. Përgjigja ime ju dha njerëzve mundësinë për të treguar të vërtetat e tyre. Por nuk ishte përgjigja e sinqertë që më ndihmoi, por pyetja vetë?, ka shkruar Meghan.

?Të humbasësh një fëmijë do të thotë të mbartësh një hidhërim pothuajse të padurueshëm, të përjetuar nga shumë, por të folur nga pak njerëz?, është shprehur Meghan duke u bërë thirrje të gjitha nënave që të marrin kohë për të pyetur njerëzit e afërt nëse janë mirë./ CNA.al





Lajmet e fundit nga