E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Letra e Metës si shef i protokollit të shtetit/ Si u zb*th Rama

23 Nëntor 2020, 16:03, Aktualitet CNA

CNA.al ka siguruar letrën që Ilir Meta i ka dërguar Kryekomisionerit të Zgjedhjeve Ilirjan Celibashi.

Si shef i protokollit të shtetit, Ilir Meta i kërkon të gjithë të emëruarve në KQZ-në e Republikës së Re, që të jenë gati për tu lidhur në takimet on-line që do të kërkonin përfaqësuesit e Komisionit të Venecias.

Kujtojmë që Komisioni i Venecias u vu në lëvizje nga Presidenti Meta pasi maxhoranca kaloi me votimin e quajtur historik, amendamentet kushtetuese që hapnin listat e zgjedhjeve dhe sistemonin në kufijtë dhe terma europianë, koalicionet parazgjedhore. Nuk ka dyshim që Presidenti nëpërmjet futjes në lojë të Venecias synonte shtyrjen e efektit të ndryshimeve kushtetuese.

Ato ndryshime janë sot oksigjeni i vetëm për forcat e reja politike si lëvizja e Jozefina Topallit, partia e Myslim Murrizit apo Bindja e Astrit Patozit. Ai oksigjen shihet edhe si shpresa e vetme e dikujt që shpreson tek ndryshimi i klasës politike në rastin më të mirë, apo i çarjes së linjës së pazareve histotike të tre liderëve në rastin më të keq.

Qëllimi i Metës është i qartë. Dhe ai qëllim synon, ndërprerjen e furnizimit me oksigjen, të paktën për datën 25 Prill. Nuk duhen katër vjet për të mbytur lëvizjet e reja. Mjafton të shkëputet linja e oksigjenit që mban gjallë 25 Prillin. Këtij misioni po i shërben Ilir Meta.

Ndaj po bën shefin e protokollit dhe kërkon t?i nisë në “takim” Venecias, anëtarët e KQZ-së së Republikës së Re. Sepse Venecia duhet të shohë që nuk është vetëm Presidenti që ka paqartësi me ndryshimet kushtetuese dhe eventualisht të Kodit Zgjedhor. Ka edhe të tjerë! Dhe kush më mirë sesa anëtarët e KQZ-së së Republikës së Re, mund ta luajë këtë rol?

Të zgjedhur si përfaqësues partiak, askush nuk do ua marrë për ters prononcimin pro presidentit. Në regjimin protokollar të Presidentit nuk kanë rëndësi rregullat e përfaqësimit të institucionit. Aq më shumë kur përfaqësuesi që nxitoi brenda 12 orësh t?i shërbente me përgjigje Gaz Bardhit për tenderin e kamerave, kësaj rradhe zgjodhi të shërbejë duke mos u përgjigjur. Dhe në gjuhën e Venecias “chi tace acconsente” (kush nuk përgjigjet, është dakord)./CNA.al.