E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Ditëlindje në kohë koronavirusi/ Gjobitet lokali ku festoi Bes Kallaku

22 Nëntor 2020, 12:49, Aktualitet CNA

Situata e rëndë që është krijuar në vendin tonë ka bërë që organizimet festive të anulohen. Komiteti Teknik i Ekspertëve pak ditë më parë mori një tjetër vendim, ku ndaloi organizimet me më shumë se 10 veta.

Por ky rregull është shkelur nga emra të njohur të politikës dhe jo vetëm. Aktori Bes Kallaku organizoi ditën e djeshme 35-vjetorin, ku organizoi një festë me shumë të ftuar, mes tyre edhe presidenti Ilir Meta dhe kryetrja e LSI Monika Kryemadhi.

Ditën e sotme Policia e Shteteit ka gjobitur lokalin ku feastoi aktori i humorit Bes Kallaku. Po ashtu, policia ka arritur të identifikojë edhe personat që ishin të pranishëm, ndaj të cilëve do të merret masë administrative.

Gjithashtu janë pezulluar nga detyra 6 punonjës Policie për moskryerje të kontrollit të territorit dhe ndaj tyre Drejtoria e Standarteve Profesionale në Drejtorinë e Përgjithshme të Policisë së Shtetit ka nisur ecurinë disiplinore për shkelje të rëndë

?Në lidhje me aktivitetin e zhvilluar më datë 20.11.2020 në një lokal në fshatin Laknas, Bashkia Kamëz, ku shtetasi B.K, kishte organizuar një ceremoni ditëlindje dhe kishte ftuar rreth 30 persona, Drejtoria Vendore e Policisë Tiranë menjëherë mori masa në zbatim të Aktit Normativ, për parandalimin e përhapjes së COVID-19.

Nga ana e Policisë së Tiranës, u mor masa administrative 1.000.000 lekë për administratorin e lokalit shtetasin F.U., në bazë të aktit normativ nr 3 datë 15.03.2020.

Gjithashtu në bazë të pamjeve filmike janë identifikuar të gjithë personat që ishin pjesmarrës në aktivitetin e zhvilluar dhe do ndëshkohen me masë administrative për shkelje të masave kufizuese anticovid-19.

Njëkohësisht Drejtori i DVP Tiranë ka pezulluar nga detyra 6 punonjës Policie për moskryerje të kontrollit të territorit dhe ndaj tyre Drejtoria e Standarteve Profesionale në Drejtorinë e Përgjithshme të Policisë së Shtetit ka nisur ecurinë disiplinore për shkelje të rëndë .

Drejtoria Vendore e Polcisë Tiranë apelon për të gjithë administratorët e lokaleve dhe qytetarët që të respektojnë me korrektësi masat anticovid duke bërë të mundur shkëputjen e zinxhirit të infektimit nga virusi dhe fton qytetarët që të denoncojnë në 112 e Komisariatin Dixhital cilindo administrator lokali apo qytetar që nuk i respekton këto masa kufizuese duke u kthyer në burim rreziku për shëndetin e qytetarëve? deklaron policia./CNA.al.

Video/ Shqipëria ?digjet? nga Covid-i, Monika hedh valle

Gjoba nuk i bën derman Presidentin/ Erion Braçe nxjerr fotot nga ditëlindja e Bes Kallakut: A ka më turp!