E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Ngritja e Gjykatës Kushtetuese/ KED shqyrton të hënë kandidaturat e Kuvendit dhe Presidencës

20 Nëntor 2020, 16:24, Aktualitet CNA

Këshilli i Emërimeve në Drejtësi do të mblidhet ditën e hënë, datë 23.11.2020, ora 11.00 për të shqyrtuar 7 kandidatura për dy vende vakante në Gjykatën Kushtetuese të shpallur nga ana e Presidentit të Republikës dhe 2 kandidatura të shpallura nga Kuvendi i Shqipërisë.

Për vakancën e shpalur nga Presidenca janë në garë Eugen Papandile i cili ka aplikuar për të dyja vakancat, Zhaklina Peto, Aleksandër Toma, Altin Binaj, Ilir Haznedari dhe Orkida Totojani.

Ndërsa për vakancën e shpallur nga Kuvendi janë në garë Altin Binaj dhe Ilir Haznedari.

?Këshilli i Emërimeve në Drejtësi, thërret mbledhjen e tij të radhës ditën e hënë, datë 23.11.2020, ora 11.00, me këtë rend dite:

Miratimi i procesverbalit të përmbledhur të mbledhjes të KED-së të datës 02.11.2020.

Shqyrtimi i gjetjeve në procedurën e verifikimit për kandidatëtpër vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019:

Eugen Papandile.

Zhaklina Peto.

Shqyrtimi i gjetjeve në procedurën e verifikimit për kandidatëtpër vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 07.02.2018 dhe rishpallur në datat 27.09.2019 dhe 24.09.2020:

Aleksandër Toma.

Altin Binaj.

Eugen Papandile.

Ilir Haznedari.

Orkida Totojani.

Shqyrtimi i gjetjeve në procedurën e verifikimit për kandidatëtpër vendin vakant, vakancë e parakohshme në Gjykatën Kushtetuese, e shpallur nga Kuvendi i Shqipërisë në datën28.08.2018 dhe rishpallur në datat 21.08.2019 dhe 24.09.2020:

Altin Binaj.

Ilir Haznedari.

Vendimmarrja lidhur me lejimin/ndalimin e kandidimit të kandidatëve të mësipërm. Në kuadër të masave shtesë të për të parandaluar përhapjen e COVID-19, të miratuara nga Komiteti Teknik i Ekspertëve në mbledhjen e datës 17.11.2020, sipas të cilave ndalohen grumbullimet me më shumë se 10 persona në vende të hapura dhe të mbyllura, nga të ftuarit është kërkuar që, për të siguruar respektimin e këtyre masave, gjatë zhvillimet të mbledhjeve të KED-së të marrë pjesë vetem nga një përfaqësues nga secili institucion?, thuhet në njoftimin e Gjykatës së Lartë./CNA.al.