web counter
LEXO PA REKLAMA!

SHKARKO APP

App Store
Google Play

Dy humbje në dy ndeshjet e para, vjen reagimi i ashpër i Safet Gjicit

9 Nëntor 2020, 14:53, Sport CNA

Kukësi është ndër skuadrat që ka ndryshuar më shumë gjatë merkatos së verës, ku ndryshimi në stafin teknik ku drejtimi iu besua trajnerit Skënder Gega, u pasua me 30 lëvizje lojtarësh, 16 në hyrje dhe 14 në dalje.

Kështu që Kukësi është bërë nga e para dhe këto ndryshime të shumta kanë dhënë ndikimin e tyre që në fillimin e kampionatit, pasi skuadra akoma nuk e ka gjetur harmonizimin. Pas dy javëve të para Kukësi mbetet skuadra e vetme në Kategorinë Superiore që shifrën zero e ka te pikët e grumbulluara dhe te golat e shënuar.

Në start skuadra e Gegës është mundur nga rivalët direkt, Tirana dhe Partizani me të njëjtin rezultat, 2-0. Presidenti Safet Gjici ka mbetur tej mase i zhgënjyer nga paraqitja dhe rezultati që skuadra e tij bëri dje ndaj Partizanit.

Presidenti në prononcimin e shkurtër të dhënë pas ndeshjes për ?Panorama Sport? dha edhe arsyen se ekipi nuk funksionon, ku lojtarët e rinj akoma nuk janë lidhur me njëri-tjetrin.

Në fund ai jep edhe një mesazh për trajnerin, që sipas Gjicit i takon të zgjidhë ngërçin që kanë lojtarët në moslidhjen me njëritjetrin. ?Jam shumë i zhgënjyer me ndeshjen ndaj Partizanit. Çfarë nuk shkoi?

Janë lojtarë të rinj dhe të palidhur në lojë me njëri-tjetrin. I takon trajnerit ta zgjidhë këtë gjë?, u shpreh presidenti i Kukësit, Safet Gjici, për gazetën pas humbjes së djeshme në ?Loro Boriçi?.

Kalendari ka qenë ?flakë? për Kukësin në start, pasi pas dy kryeqytetasve në javën e tretë luan në transfertë ndaj Teutës, një tjetër rival për titull.





Lajmet e fundit nga