E fundit!

19:42 Aktualitet

Drogë në burgun e Veliajt

Këtë të enjte, në një nga qelitë e burgut të Durrësit, ësh...

Tenton të korruptojë policin/ Prangoset 24-vjeçari në Rinas

28 Tetor 2020, 07:56, Kronika CNA

Policia Kufitare e Rinasit ka arrestuar mëngjesin e sotëm një 24-vjeçar pasi tentoi të korruptonte punonjësit e policisë për të kaluar në vendet e Bashkimit Europian. Sipas një njoftimi të Policisë së Shtetit bëhet me dije se shtetasi me inicialet L.L është banues në Tiranë, i dha një kartëmonedhë 50 euro një efektivi të policisë për ta lejuar këtë të fundit të udhëtonte drejt vendeve të BE-së.

Arrestimi i tij u bë pasi gjatë kontrollit të dokumentacionit dhe intervisitimit për qëllimin e udhëtimit në vendet e BE-së, ky shtetas, duke qenë se ai nuk justifikonte qëllimin e lëvizjes dhe nuk plotësonte kushtet për të udhëtuar në hapësirën Schengen, i ka ofruar punonjësit të Policisë 50 euro, për ta lejuar që të vijonte udhëtimin.

?Policia Kufitare e Rinasit godet një tjetër rast të mitëdhënies. Tentoi të korruptonte punonjësit e Policisë Kufitare, me qëllim lejimin për të udhëtuar drejt vendeve të BE-së edhe pse nuk plotësonte kushtet, vihet në pranga 24-vjeçari. Gjatë javë së fundit Policia Kufitare e Rinasit ka goditur dhe tre raste të tjera të tentativës për të korruptuar punonjësit e Policisë Kufitare.

Si rezultat i shtimit të kontrolleve në zbatim të masave parandaluese për moslejimin e udhëtimit drejt vendeve të BE-së të atyre shtetasve që nuk plotësojnë kushtet për të lëvizur në hapësirën Schengen, shërbimet e Policisë Kufitare në Rinas kanë arrestuar në flagrancë, për veprën penale ?Korrupsioni aktiv i personave që ushtrojnë funksione publike?, shtetasin L. L., 24 vjeç, banues në Tiranë.

Policia Kufitare apelon për të gjithë shtetasit që duan të udhëtojnë drejt vendeve të BE-së, që në rast se nuk plotësojnë kushtet për të lëvizur në hapësirën Schengen, të mos ndërmarrin asnjë veprim të kundërligjshëm, të mos përpiqen për të korruptuar punonjësit e Policisë pasi do përballen me ligjin?, thuhet në njoftimin e Policisë së Shtetit.