web counter
LEXO PA REKLAMA!

SHKARKO APP

App Store
Google Play

E fundit!

x

“Mos premtoni diçka që nuk mund të arrihet”/ Mjeku thirrje të fortë qeverisë

19 Tetor 2020, 14:06, Lifestyle CNA

Eksperti i Shëndetit Publik, Erion Dasho ka reaguar sërish lidhur me vendimin e fundit të qeverisë, mbajtjen e maskave me detyrim në ambiente të hapura.

Dasho i bën thirrje qeverisë të mos i i ç’orientojë qytetarët me historinë e maskave në public, pasi askush nuk mund ta kontrollojë Covid-19 vetëm me maska, edhe sikur 100% e popullsisë ti përdorë.

?Sërish një thirrje për politikën!

Ju lutem mos i ç’orientoni qytetarët me historinë e maskave në publik!!!

Askush nuk mund të kontrollojë COVID-19 vetëm me maska, edhe sikur 100% e popullsisë të përdorë maskën! Nuk e bën dot këtë as për 6 javë, as për më gjatë!

E pamundur!

Po përmend vetëm dy arsye, njëra objektive dhe tjetra subjektive:

Pjesa më e madhe e qytetarëve mbajnë maska artizanale që ofrojnë mbrojtje në kufijtë e 30%. Asnjë vend nuk ka arritur dot t’u mundësojë qytetarëve furnizim me maska kirurgjikale apo FFP në sasi të mjaftueshme! Një maskë kirurgjikale në 4 orë ose një maskë FFP në ditë për çdo qytetar, është thjesht një mision i pamundur!

Jo të gjithë qytetarët kanë njohuri apo mundësi t’i përdorin maskat në mënyrë korrekte! Dikush i mban ato nën mjekër, dikush nuk ka mundësi t’i lajë çdo ditë, dikush e prek maskën me duar të ndotura, etj. Përsëri, asnjë vend sado të edukuar t’i ketë qytetarët, nuk arrin dot që 100% e tyre të sillen si një kirurg në sallën e operacionit!

Gjithmonë kam dhënë shembullin e Gjermanisë! Nuk ka popullatë më të bindur që e respekton më tepër rregullin e mbajtjes së maskës! Sërish numrat janë në rritje! Gjithë popullsia mban maskë, por shteti paralelisht treston, gjurmon dhe trajton! Nuk e ka lënë epideminë në mëshirën e maskave!!!

Edhe njëherë!

Mos premtoni diçka që nuk mund të arrihet!

Investoni në trinomin: testo-gjurmo-trajto!

Mbroni jetën dhe shëndetin e qytetarëve!!!??/CNA.al

 





Lajmet e fundit nga