web counter
LEXO PA REKLAMA!

SHKARKO APP

App Store
Google Play

E fundit!

x

“Përpara kemi një grup të strukturuar kriminal”/ Basha: Mafia e plehrave po grabit miliona euro

17 Tetor 2020, 10:39, Politikë CNA

Kryetari i Partisë Demokratike, Lulzim Basha gjatë një deklarate për mediat, ndërsa ka komentuar situatën e pandemisë së covid-19 në vendin tonë, ka hedhur akuza të forta në drejtim të qeverisë.

Sipas Bashës, Rama po e lejon qëllimisht përkeqësimin e situatës.

?Përpara kemi një grup të strukturuar kriminal që po e le me qëllim krizën të përparojë me qëllim që paratë ti vjedhë, ti gllabërojë. Llogaria është që ta cojë vendin sa më keq që pastaj ti shpërndajë lekët me pikatore, e pastaj të blejë dinjitetin e shqiptarëve.

Kjo e bën kriminel të pashoq në raport me jetën shëndetin dhe ekonominë e shqiptarëve. Fati i cdo shqiptari në dorën e një bande hajdutësh.?-tha Basha.

Më tej, Basha është ndalur sërish tek afera e koncesionit të inceneratorëve, ndërsa theksoi se ?Afera e mafies së plehrave vetëm javën e kaluar i grabitën këtij populli 2 milionë euro. Është një grup I strukturuar criminal.

Janë afera të pastra mafioze, ndërsa këta të shkretët që i nxjerrin aty, pasi i ka dalë boja Ramës, Ahmetajt e Veliajt, me shpresën që të tërheqin vëmendjen nga e vërteta që i kanë marrë 75 milionë euro shqiptarëve dhe ja kanë dhënë një personi të vetëm me kapital vetëm 1 mijë euro, ndërkohë që Shqipëria është e mbytur në plehra.

Pse i dërguan në parajsa fiskale?

Pse u mblodh 17 herë qeveria?

Ku janë paratë?

Si ka mundësi që inceneratori i Fierit ka marë 20 e ca milionë euro e nuk ka asnjë punonjës të deklaruar?

Kjo aferë do hetohet deri në fund, ata që thonë se do e marrin në dorëzim në 2021, bashkë me këta që e kanë firmosur, do jenë në bankën e të akuzuarve?-tha Basha./CNA.al





Lajmet e fundit nga