web counter
LEXO PA REKLAMA!

SHKARKO APP

App Store
Google Play

E fundit!

x

Përplasje te Kosova, Shaland: Unë nuk jam budalla

11 Tetor 2020, 08:05, Sport CNA

Trajneri i Kosovës, Bernard Shaland, nuk ka pëlqyer komentet negativëe në adresë të tij pas humbjes përballë Maqedonisë së Veriut. Në konferencën e funit për shtyp para duelit të Ligës së Kombeve me Slloveninë, tekniku i ?Dardanëve? ka kundërsulmuar të gjithë kritikët që vunë në diskutim edhe vazhdimësinë e tij në stolin e përfaqësueses.

?Natën e kaluar kam shikuar përsëritjen e ndeshjes së kaluar dhe e kam analizuar. Them se nuk kemi bërë ndeshje shumë të keqe, jo të mire, por as shumë të keqe. Rezultati ka qenë shumë i keq, jemi dëshpëruar edhe ne, edhe lojtarët dhe e kanë përjetuar keq atë lojë. Por tani duhet shikuar dhe nxjerrë më e mira nga ai takim. Sikur të kishim shënuar në minutën e 90-të me Alitin dhe në vazhdim ta fitonim ndeshjen, çfarë do të shkruanit ju? Me siguri fjalë shumë të mëdha. Pra gjithçka ndryshon për një moment të vetëm. Unë nuk jam budalla dhe i shoh problemet që kemi në ekip dhe jo vetëm me Maqedoninë, por për tri ndeshjet e fundit. Problemi i vetëm është se nuk krijojmë raste për të shënuar?, deklaroi Shaland.

?Me Slloveninë duhet të gjejmë zgjidhje me lojtarët që janë këtu. Sfida e parë është të krijojmë raste dhe të shënojmë. Ndërsa sfida e dytë është përgatitja psikologjike pasi lojtarët janë të dërrmuar psikologjikisht pas humbjes ndaj Maqedonisë. Lojtarët duhet ta ngrenë kokën lart dhe të mendojnë për të vazhduar më tej. Në këtë ndeshje duhet treguar mentaliteti dhe karakteri ynë. Sllovenia është ekip i fortë, fizik. Ne jemi gati për një ndeshje të fortë dhe të vështirë?, ishin fjalët e trajnerit të Kosovës i cili një ditë më parë mori konfirmimin nga FFK se pankina e tij nuk tronditej nga eliminimi.





Lajmet e fundit nga