web counter
LEXO PA REKLAMA!

SHKARKO APP

App Store
Google Play

E fundit!

x

Kombëtarja zbret sot në fushë ndaj Kazakistanit, ja formacioni i mundshëm

11 Tetor 2020, 07:31, Sport CNA

Kombëtarja shqiptare e futbollit luan sot ndaj Kazakistanit. Ekipi kuqezi ka mbërritur në Almati pas një udhëtimi të gjatë rreth orës 20:30 të së premtes sipas orës lokale të Kazakistanit (16:30 me orën shqiptare). Me të mbërritur në tokën kazake, skuadra kuqezi ka zhvilluar një seancë të lehtë stërvitore.

I gjithë grupi është në gjendje të mirë dhe nuk ka asnjë problem për momentin. Kombëtarja shqiptare do të përballet me Kazakistanin më 11 tetor, ndërsa më 14 tetor do të luajë në Lituani (14 tetor). Të dyja sfidat që luhen në transfertë janë të vlefshme për Ligën e Kombeve.  ndaj Kazakistanit luhet ne oren 15:00 me oren shqiptare.

Trajneri Edi Reja pritet që në këtë ndeshje të hedhë në fushë disa debutues: Kumbulla, Kallaku dhe Broja. Në portë, Berisha do të jetë edhe kapiteni i Kombëtares, si ndër ata me më shumë ndeshje si kuqezi. Përpara tij, krahas Gjimshitit dhe Dermakut, pritet të vendoset edhe Kumbulla. nga krahët, Lenjani nga e djathta dhe Trashi nga e majta, janë më të mundshmit.

Për këtë dilemë, mund të vendoset edhe që Lenjani të luajë nga e majta dhe Memolla djathtas. Në mesfushë, Bare dhe Abrashi do të kenë Kallakun në krah. Ky i fundit, mund të spostohet edhe përpara për të shndërruar rreshtimin në 3-4-1-2. Në sulm, Armando Broja pritet të debutojë përkrah Rei Manajt.





Lajmet e fundit nga