web counter
LEXO PA REKLAMA!

SHKARKO APP

App Store
Google Play

"Reja e ndiqte prej një viti", Altin Lala: Çepele refuzoi rinovimin me Interin prej...

10 Tetor 2020, 11:01, Sport CNA

Ramen Çepele është talenti i radhës shqiptar, që ka mundur të bjerë në sy të klubeve gjigante të kontinentit e të tregojë vlerat e tij të mëdha. 17-vjeçari i lindur në Itali nga prindër shqiptarë është produkt i akademisë së Interit, por së fundmi ka vendosur t?i lërë zikaltërit dhe ?të shtegtojë? në Gjermani.

Ai është bërë pjesë e të rinjve të Hanoverit në një marrëveshje ku ka patur ndikim esencial ish-kapiteni i kombëtares sonë, Altin Lala, një person i afërt i klubit dhe legjendë e Hanoverit.

Lala së fundmi ka folur për mediet gjermane në lidhje me mbrojtësin, që këto ditë është pjesë e kombëtares së madhe të Edi Rejës, i cili ka këmbëngulur ta bëjë pjesë të ekipit kuqezi. Ish-mesfushori e cilëson si një lojtar me shumë talent dhe zbulon se 17-vjeçari nuk pranoi të rinovonte me Interin dhe u transferua falas në Gjermani.

?Mendoj se ka një të ardhme të ndritur përpara. Presidenti i Hannoverit, Martin Kind ka thënë se nëse nuk do të funksionojë, do të jetë një telash që askush nuk e dëshiron. Shumë shpejt Çepele do të debutojë edhe me skuadrën e parë, për t?u përfshirë gradualisht në futbollin profesionist. Reja e ka ndjekur prej një viti dhe tani mund ta impenjojë në kombëtare, për ta bërë lojtarin më të ri që mbron ngjyrat kuqezi.

Ka shumë gjasa që të bëhet një profesionist i madh, pasi është shtatlartë, di të hapë mirë lojën, ekzekuton shumë mirë goditjet standarde dhe luan në mënyrë shumë të zgjuar. Interi kërkoi t?i rinovojë kontratën, por ai vlerësoi transferimin te Hanoveri, pasi babai i tij është fans i futbollit gjerman?, u shpreh Lala në fjalën e tij për talentin e kombëtares.





Lajmet e fundit nga