E fundit!

09:24 Aktualitet

Tirana në “Top 5” e qyteteve më të papërballueshme në Evropë për blerjen e një shtëpie

Çmimet e shtëpive janë rritur shumë më shpejt se të ardhur...

Adrian Aliaj shfryn ndaj Rejës: Po djeg lojtarët, zgjedhjet e tij janë pakuptim

9 Tetor 2020, 20:10, Sport CNA

Shqipëria luan dy transferta delikate kundër Kazakistanit dhe Lituanisë, të vlefshme për Ligën e Kombeve. Ky nuk ishte grumbullimi ideal për kuqezinjtë teksa kriza që ka sjell Covid-19 dhe dëmtimet bën që grupi të mos ishte i plotë. Ish-futbollisti i Kombëtares, Adrian Aliaj, në një intervistë për moderatoren Enxhi Biba në ?Sport News?, shprehet se Reja dhe stafi i tij po gabojnë me përzgjedhjen e lojtarëve, po ashtu dhe me skemën që aplikon.

?Është situatë e komplikuar për shumë faktorë. Për momentin është një kaos. Shumë klube nuk kanë zgjidhje dhe nuk dinë, si qysh edhe me kë. Gjëra që nuk i kontrollojnë dot. E kuptoj edhe trajnerin e Kombëtares, për këtë situatë që ndodhet, me prurjet e reja. Nuk dua të jem negativ, por të jesh lojtar i Kombëtares A duhet të kesh referenca, duhet të luash në nivele serioze. Për mua është një miks i U21 me Kombëtaren A, nuk mund ta quaj ekip Kombëtar A. Kjo është pasojë e COVID. Për trajnerët bën dhimbje koke, më shumë nga të gjithë.

Ne kemi parë zgjedhje pas sens të trajnerit Reja edhe në ndeshjet e kaluara. Nuk po rinovojmë Kombëtaren, me këta lojtarë që janë aktualisht. Është puna e COVID-it, që Kombëtarja është në këtë situatë. Duhen lojtarë që e meritojnë. Nuk është që merre lojtarin dhe sille në Kombëtaren A.

Shqipëria është e çoroditur. Ka kohë. Nuk jemi në rrugën e duhur. Shqipëria nuk është as e Rejës, as e Dukës, është pjesë e jona, në që kemi qenë e kemi ndjerë pak më shumë nga afër. Nuk mendoj që jemi në rrugën e duhur, e them me plot gojë. Nuk mendoj që jemi me njerëzit e duhur. Shumë gjëra duhen analizuar, ky është mendimi im personal.

Baza duhet të jetë gjithmonë, 70 %. Ne nuk kemi bazën, nuk kemi elementin e duhur, lojtarë lider. Kemi shumë mungesa në këtë aspekt. Trajneri Reja nuk luan fare me krahët. Sistemi i lojës që luan është absurd, sidomos në këtë kohë ku klubet paguajnë miliona për lojtarët e krahut, aty është rreziku. Lojtarë që bëjnë diferencën dhe sjellin rrezikun.

Abazaj ka kampionat fantastik, nuk është asgjëkundi. Merren lojtarë të tjerë që nuk luajnë në klubet e tyre dhe luajnë në klube të ulta. Absurditet që nuk e kuptoj. Sistemi i lojës së Rejës është i gabuar. Trashi një lojtar shumë i mirë që ka ardhur shumë vonë në Kombëtare. Zgjedhjet e trajnerit janë pa kuptim. Trajneri duhet të bëjë skemën me lojtarët që ka.

Nuk e kuptoj si një trajner me eksperiencë nuk i shikon këto detaje. Nuk mund të luajmë me sistem që nuk na përshtatet. Ajo fanellë është me peshë dhe e rëndë, lojtarët duhet ta meritojnë atë fanellë. 2 ndeshjet e radhës janë të vështira. Në Bjellorusi nuk e fitoi ndeshjen Shqipëria, por e humbi Bjellorusia me një ndeshje katastrofale. Duhet që Shqipëria të tregojë karakter në këto 2 ndeshje?, u shpreh Aliaj.