web counter
LEXO PA REKLAMA!

SHKARKO APP

App Store
Google Play

E fundit!

x

Pse Basha nuk çon në SPAK inceneratorët

10 Tetor 2020, 16:32, Politikë CNA

Lulzim Basha sot ka folur më fortë se kurrë publikisht për korrupsionin e PPP-ve të inceneratorëve, për një skandal korruptiv i denoncuar në shumë media, por dhe nga vetë PD nëpërmjet Abi Malltezit dhe departamentit të Partisë Demokratike.

Ka pasur qëndrime edhe nga departamenti anti-korrupsion, por Lulzim Basha nuk guxonte të fliste, nuk ka guxuar aq sa akuzat ndaj tij kanë qenë të drejtpërdrejta se ka bashkëpunuar me inceneratorët dhe është paguar nga ta direkt apo indirekt.

Sot Basha më në fund foli, pasi mediat, përfshirë këtu edhe CNA.al, prej disa vitesh raportojnë fort skandalin e një korrupsioni galopant, që fillon me inceneratorët në Elbasan me 22 milion euro, që në fakt duket të jetë ?një kaldaj me naftë?, i cili nuk dihet është ndezur ndonjëherë apo jo. Nuk ka provuar kurrë avull apo energji elektrike dhe tashmë kërkon të dorëzohet në duart e qeverisë shqiptare, por janë dhjetëra zyrtarë të cilët kanë frikë të firmosin, pasi rrezikojnë burgun.

E kështu në Fier, ku Lulzim Bashës i është treguar me qindra e qindra herë se nuk ka inceneratorë, por janë paguar sërish miliona dollarë për disa karabina, e më pas në Tiranë me një tjetër aferë 128 mionë euroshe, ku nuk ka sërish inceneratorë, por me kostot qesharake duke përdorur landfillin kompanitë zinxhir të përfshira në bashkëpunim me qeverinë, po fitojnë me miliona euro.

Janë kompanitë e Klodian Zotos, të Mirel (Klodian) Mërtirit dhe bashkëjetueses së tij, nënës së dy fëmijëve të tij Stela Gugallja, e cila është edhe pronarja e inceneratorit të Elbasanit.

Sot Lulzim Basha foli, por mesa duket ishte një mulli me erë, fjalët i merr era. Ai edhe pse ka një dosje të plotë në zyrën e tij, nuk e çon atë në Prokurori. Lulzim Basha nuk e ka kontestuar Prokurorinë e Përgjithshme, Lulzim Basha nuk e ka kontestuar kreun e SPAK, Lulzim Basha nuk e kontestuar kryeprokurorin e Tiranës. Sot është momenti që t?i linte fjalët, por dosjen që e mban më shumë se prej një viti e gjysmë ta çonte në SPAK, ta çonte te Prokurori i Përgjithshëm, të kërkonte zbardhjen e një afere korruptive që bie si shpatë mbi kurrizin e shqiptarëve të varfër, taksave që ata paguajnë.

Por sërish Lulzim Basha sot vetëm foli, foli dhe vetëm foli. Nuk ka kurajo që të hipë në makinë dhe të marrë ekipin e tij dhe të shkojë te inceneratori në Elbasan, te ai në Fier apo në Tiranë.

Nuk hyri brenda me kamera dhe t?i tregojë shqiptarëve se nuk ka inceneratorë, nuk lëvizen, nuk punojnë, nuk funksionojnë, por janë paguar dhjetëra milionë euro pa u bërë thuajse asgjë vetëm duke shfrytëzuar kapacitetet aktuale.

Apo nga ana tjetër, si në rastin e Elbasanit, ku tjetër është inceneratori që duhet të ndërtojë dhe tjetër është ai që është në fakt. Prandaj Lulzim Basha ka ardhur koha t?i lerë fjalët, ai duhet të çojë me vrap dosjen e plotë të inceneratorëve, çdo dokument që ka në zyrën e tij, ato të publikuara nga mediat dhe ato që kanë siguruar zyrtarët e PD-së.

Ka ardhur koha mos heshtë më, dosja duhet çuar në SPAK, duhet çuar te Prokurori i Përgjithshëm, duhet çuar në çdo prokurori rrethi, kudo ku ka çështje për hetim dhe jo vetëm ashtu siç veproi Nisma Thurje, por si një grup i strukturuar kriminal që vjedh taksat ditë e natë.

Këtu përfshihen ministrat dhe ish-ministrat e LSI, sot me PS-në, vetë kryeministri dhe kushdo tjetër që ka përgjegjësi ligjore, kryetarë bashkie në Tiranë, Fier dhe Elbasan. Kushdo ka përgjegjësi të shkojë përpara drejtësisë.

Janë të paktën 178 milionë euro kontrata dhe rreth 400 milionë euro të ardhura që do përpunojnë këto inceneratorë.

Prandaj Lulzim Basha ka ardhur koha të shkojë në Prokurori, të shkojë të çojë dosjen e plotë dhe jo vetëm të flasë, pro ta nxjerrë atë çdo ditë publikisht derisa të hetohet i pari dhe i fundit i kësaj afere korruptive, që është në fakt një vjedhje e hapur e taksave të shqiptarëve./ CNA.al

?Se mos iu bien levat?/ Basha: Disa media nuk flasin për inceneratorët

Skandali me inceneratorët/ Basha: Mijëra euro për kompani fantazëm, përfitues dhe pronarë mediash

Skandali 22 milionë euro/ Incenerator apo kaldajë me naftë në Elbasan?!

Skandali-Basha ?fle? mbi dosjen e inceneratorëve/ Bën avokatinë publike të aferës korruptive

?Buzëkuqi? i krimit të Ramës me inceneratorin e Tiranës/ Si do mbulohet hajdutëria dhjetëra milionë euro

Skandali/ Zbulohet skema e plotë, si pronarët e inceneratorëve paguan aksionerët e Top Channel

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Koncesioni 128 milion euro/ Plas skandali në Shqipëri, kompania ndryshon emër në Hollandë

Koncesioni 128 milionë euro/ Zbulohen kompanitë në Hollandë me drejtorë Rusë





Lajmet e fundit nga