web counter
LEXO PA REKLAMA!

SHKARKO APP

E fundit!

x

“250 metra larg parcelës me hashash”/ Si u gjetën trupat e pajetë të dy të rinjve në Malësinë e Madhe

8 Tetor 2020, 15:14, Kronika CNA

Janë zbardhur detaje të reja nga ngjarja që tronditi Shkodrën, ku dy të rinjtë të zhdukur prej pesë ditësh në Malësinë e Madhe, u gjetën sot të pajetë.

Mësohet se trupat e 2 të rinjve janë gjetur gjatë kërkimeve në zonën e pyllëzuar të Rrencit, që ndodhet rreth 3 orë në këmbë nga fshati Vrith.

Vendi i krimit, ku u gjetën pa jetë 2 të rinjtë ndodhet rreth 250 metra larg parcelës me hashash që dyshohet të jetë bërë shkak i sherrit mes 3 personave.

Po ashtu mësohet se trupat nuk ishin fshehur apo mbuluar, ndërsa janë qëlluar nga një distancë e afërt me automatik pak metra larg njëri tjetrit.

Autori Daniel Pepaj, dyshohet se pas sherrit u ka kërkuar 2 të rinjve Vilson Çutajt dhe Klement Pepajt të shkojnë te parcela me kanabis në zonën e pyllëzuar që të sqaroheshin, por aty i ka ekzekutuar, ndërsa më pas dyshohet se është arratisur në Mal të Zi.

Zanafilla e ngjarjes dyshohet se ka të bëjë me zhdukjen e 50 kg kanabis të Vilson Çutajt dhe Klement Pepajt, që kishin parcelën, raporton  abc neës.

Për këtë ngjarje ata akuzuan Danjel Pepajn, të cilin e rrahën. Gjatë rrugës për te parcela, në rrethana jo krejt të qarta, Danjel Pepaj mori armën, që dyshohet se e kishte fshehur në parcelën me kanabis duke i qëlluar për vdekje./CNA.al

 





Lajmet e fundit nga