web counter
LEXO PA REKLAMA!

SHKARKO APP

E fundit!

x

Zhdukja e të rinjve në Malësinë e Madhe/ Zbardhet telefonata që autori i dyshuar bëri me bashkëfshatarin: A ke armë?

8 Tetor 2020, 08:52, Kronika CNA

Detaje të reja kanë dalë nga ngjarja e rëndë në Malësinë e Madhe ku dyshohet se janë vrarë shtetasit Vilson Çutaj dhe Klement Pepaj, të cilët që nga 3 tetori rezultojnë të humbur bashkë me shtetasin Danjel Pepaj që mendohet se është personi i cili mund t?i ketë ekzekutuar dy të rinjtë.

Sipas BW, shtetasi Danjel Pepaj ditën e ngjarjes ka telefonuar një bashkëfshatar të zonës duke e pyetur nëse kishte armë sepse i duhej por ka marrë përgjigje negative nga bashkëfshatari.

Danjel Pepaj është rrahur shumë keq nga shtetasit Vilson Çutaj dhe Klement Pepaj në Bajzë. Fillimisht Danjeli ka mohuar se është ai autori i vjedhjes së parcelave me kanabis por pas torturave është detyruar që të thotë po. Nga Bajza janë nisur drejt Vrithit duke iu ngjitur malit ndërsa atje ka marrë një armë të fshehur dhe dyshohet se i ka qëlluar të dy personat që e kanë rrahur më përpara. Burime nga fshati Vrith tregojnë se nuk është vjedhur vetëm parcela e Vilson Çutaj dhe Klement Pepaj por edhe dy parcela të tjera që kanë qenë aty afër.

Mësohet se Danjel Pepaj ka patur parcelën e tij me kanabis ndërsa Vilson Çutaj dhe Klement Pepaj dyshohet se kanë patur një parcele veçmas./CNA.al





Lajmet e fundit nga