E fundit!

12:57 Kosova & Bota

Tërmetet shkatërruese në Venezuelë/ Rritet numri i viktimave

Numri i viktimave nga tërmetet shkatërruese në Venezuelë k...

“Është spekuluar me pandeminë”/ Ish-ministri i Shëndetësisë kritika Komitetit Teknik

3 Tetor 2020, 17:11, Lifestyle CNA

Ish-ministri i Shëndetësisë Leonard Solis, ishte i ftuar pasditen e sotme në studion e ?Kjo javë? ku ka folur për pandeminë e koronavirusit.

Me tone të ashpra ai tha se duhet të ishin masivizuar testimet, ndërsa shtoi se pesha më e madhe iu ngarkua Tiranës, në një kohë që mund të ishte bërë një shpërndarje e rasteve edhe nëpër rrethe.

?Është spekuluar edhe me pandeminë. Por them se ISHP është ngritur. Ndërsa, Komiteti duhet të ishte pak më i shkathët në testet, duhet të kishte më shumë testime. Strukturat private kanë shërbyer shumë për të shfryrë situatën. Duhen teste të shpejta. Pesha u përqendrua në Tiranë, unë do e kisha decentralizuar çështjen.

Shkodra për shembull ka spitalet e veta, nuk ka përse t?i sjellë në Tiranë, Korça etj kanë spitalet e tyre. Në Tiranë duhet të vinte vetëm ai që është në gjendje më të rëndë. Nuk duhej pesha vetëm në kryeqytet. Duhet ta ruanim mjekun më shumë nga infektimi me koronavirus.

Fatmirësisht ka ikur paniku i madh, spitalet kanë fituar qetësinë e tyre, jemi të pozicionuar më mirë, megjithëse pandemia nisi si një gabim. Pandemia të fton të bësh një lojë në llucë. Nisi si një gabim, sepse aty ku shpërtheu u përhap në mënyrë të menjëhershme në botë.?

Po ashtu Solis bëri thirrje që antibiotiku mos të përdoret gjerësisht pa rekomandim.

?Një gabim është mos-decentralizimi. Ndaj mjeku i familjes duhet të veprojë. Mos abuzoni me antibiotikun. Mjeku i familjes, nëse do të zhvilloheshin seminare periodikisht, do të ishte mjeku i familjes ai që do të shihte nëse shkon mirë situata dhe jo të vinin me tezga në spital. Ne jemi një komb sa herë vjen ne mëngjes në punë, pështyn në rrugë. Burra e gra, të gjithë. Mjeku i familjes luan rol.?, tha Solis./CNA.al