web counter
LEXO PA REKLAMA!

SHKARKO APP

App Store
Google Play

Gazetari deklaratë “bombë”/ Eldi Dizdari ka dy karburante, ortaku i tij më shumë se 150 mln euro

21 Shtator 2020, 21:27, Kronika CNA

Gazetari Flamur Vezaj, ka bërë deklarata të forta lidhur me grupet kriminale të trafikut të kokainës, për të cilat pretendon se janë të lidhura ngushtë me personazhe të njohura në fushën e ndërtimit.

Vezaj tha se Eldi Dizdari ka dy karburante në Rrugën e Kombit, ndërsa pretendon se personazhet e botës së krimit kanë vendosur shuma marramendëse.

?Ky grup funksionon prej vitesh, në Shqipëri pak a shumë dihej nën zë që Eldi Matoshi ishte koordinator në trafik. Dihej sepse edhe kur është hetuar Arbër Çekaj, dilte indirekt i përfshirë por nuk mund të faktohej. Kompanisë së Arbër Çekaj i është bllokuar edhe dy herë kokainë, por si ndodh në Shqipëri, janë pushuar çështjet. Ndërsa rasti i tretë është hetuar. Në Shqipëri shumicën e kanë përdorur si magazinim.

Në Shqipëri këta personazhe janë të lidhur me njerëz të njohur zë botës së ndërtimit, me ndërtues që po bëjnë ndërtime në fushën e aviacionit, pranë Lanës, njihen kanë kompani betoni në Shqipëri, Eldi Dizdari ka dy karburante në Rrugën e Kombit, kanë qenë ortakë në lojërat e fatit. Këta persona kanë vendosur shuma marramendëse?, u shpreh ai në emisonin ?Opinion?.

Sipas tij, me paratë e krimit po pastrohen në disa ndërtime, siç janë një kompleks banimi te fusha e aviacionit, një ndërtim 8 katësh buzë lumit të Lanës në Tiranë si dhe hotele në Himarë e Dhërmi.

Gazetari deklaroi se ortaku i Eldi Dizdarit, një personazh nga Lushnja, ka më shumë se 150 milion euro para cash.

?Ortaku i Eldi Dizdarit, një personazh nga Lushnja, është personazhi që ka më shumë lekë ?cash? në Shqipëri. Unë dyshoj më shumë se 150 milion euro. Shumë para që ekzistojnë ?cash? në Shqipëri funksionojnë përmes metodave ku këta i lënë garant. Ku shkojnë gjithë këto para? Te fusha e aviacionit ke një kompleks banimi që po bëhet, ke buzë Lanës një pallat 8 katësh që po ndërtohet, në Himarë ke në ndërtim e sipër një hotel, në Dhërmi po ashtu, janë para të lidhura me grupe kriminale ku ka të bëjë Eldi Dizdari?, theksoi Vezaj./ CNA.al





Lajmet e fundit nga