web counter
LEXO PA REKLAMA!

SHKARKO APP

App Store
Google Play

E fundit!

x

Skandali me BMW luksoze të Lleshajt/ Largohet nga detyra Sekretari i Përgjithshëm i Ministrisë

18 Shtator 2020, 13:54, Politikë CNA

Pak javë më parë, CNA.al publikoi skandalin e ministrit të Brendshëm Sandër Lleshaj i cili lëviz me një makinë luksoze që kap vlerën e 100 milionë lekëve.

Bëhet fjalë për blerjen e një makine luksoze, nga Policia e Shtetit, për Oficerin e Kontaktit në Ambasadën Shqiptare në Berlin, por që më pas mjeti është sjellë në Shqipëri, dhe është në përdorim nga ministri Sandër Lleshaj.

Pak kohe pas publikimit të këtij skandali, mësohet se është larguar nga detyra , sekretari i Përgjithshëm i Ministrisë së Brendshme, Plarent Ndreca. Ai e mbante këtë post për rreth një viti, pasi ishte emëruar më 18 korrik të 2019-s.

Mësohet se Ndreca është zëvendësuar nga Elena Pici, e cila vjen nga Këshilli i Ministrave. Më herët Plarent Ndreca, i diplomuar si jurist, ka mbajtur postin e sekretarit të Përgjithshëm të Ministrisë së Arsimit, Rinisë dhe Sporteve, si dhe sekretarit të Përgjithshëm në Ministrinë e Mjedisit dhe Turizmit.

Kush është vajza që e zëvendëson:

Elena Pici vajza në të 30-tat, që vjen nga Këshilli i Ministrave është një emër i panjohur, ndërsa sot fitoi vëmendjen e mediave, pasi u emërua sekretare e Përgjithshme e Ministrisë së Brendshme.

Sekretarja e re e Përgjithshme e kësaj ministrie, Elena Pici para se të merrte këtë post ka qenë koordinatore e Engjëll Agaçit dhe njihet si një nga njerëzit e afërt të tij. Më parë ka qenë dhe figurante nëpër klipe këngëtarësh të njohur si Alban Skënderaj. Elena Pici është vajza me flokë të zeza, e cila shfaqej në klip në rolin e kamarieres që shërbente kafen. Pas eksperiencës si modele në klip ajo ka fituar një post të rëndësishëm në Ministrinë e Brendshme.

Kujtojmë se sot Sandër Lleshaj është ministër i Brendshëm vetëm formalisht. /CNA.al

 





Lajmet e fundit nga