E fundit!

11:34 Politikë

Përplasje për reformën zgjedhore, PS merr vendimin e vetme

Procesi i reformës zgjedhore do të vijojë edhe në muajt e ...

Operacioni “Los Biancos”/ Prokurori i antimafias italiane zbulon detaje

18 Shtator 2020, 08:38, Kronika CNA

Ditën e djeshme u finalizua operacioni ?Los Blancos? ku u godit karteli më i madh shqiptar i trafikut të kokainës që ishte i shtrirë në tre kontinente.

Një rëndësi të madhe lidhur me këtë operacion i ka kushtuar Italia. Nga ana tjetër Prokuroria e Firences pati rol parësor në këtë operacionin. Në një konferencë në gjykatën e Fierencës, prokurori kombëtar i antimafia, Federico Cafiero De Raho dha detaje për kartelin.

?Ndonjëherë na shtyjnë të mendojmë se organizatat kriminale shqiptare janë të nivelit të dytë. Operacioni Los Blancos demonstron, se kriminelët shqiptarë kanë aftësi të mëdha duke u marrë drejtpërdrejt me kartelet e trafikantëve të drogës në Amerikën Latine, duke siguruar me ta marrëdhënie të qëndrueshme. Hetimet gjithashtu konstatuan ekzistencën e një superstrukture kriminale shqiptare, një lloj ?kupole?, nga e cila vinin direktivat strategjike?, tha prokurori kombëtar i antimafia, Federico Cafiero De Raho, gjatë një konference shtypi në Gjykatën e Firences.

?Ky është një operacion ndërkombëtar, megjithatë shumë i rëndësishëm, i cili ka provuar rolin e trafikantëve shqiptarë të drogës”, shpjegoi prokurori kombëtar i Antimafias.

Organizatat kriminale shqiptare, vazhdoi Cafiero de Raho, ?veprojnë me një mënyrë të jashtëzakonshme në vende të ndryshme të Evropës, me trafikantët shqiptarë të drogës që veprojnë në mënyrë të përhershme drejtpërdrejt në Amerikën e Jugut dhe Holandë, duke kontrolluar ikjen dhe ardhjen e ngarkesave të kokainës në portet evropiane, veçanërisht në Antwerp dhe Roterdam?.

Kapaciteti depërtues i kriminelëve shqiptarë u demonstrua gjithashtu nga zbulimi i ekzistencës së markës së tyre ?Bello? e cila u stampua në pakot e tyre të kokainës të importuara në Evropë. ?Marka në blloqe, është pothuajse si një garanci e cilësisë së produktit, është një risi absolute dhe befasuese, e cila u arrrit të zbulohet në pesë vite hetim?,-përfundoi Cafiero de Raho./ CNA.al