E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

PS mban Asamblenë e Cerrikut/ Balla: Listat e mbyllura, pengesë për përfaqësimin e komuniteteve

16 Shtator 2020, 15:04, Politikë CNA

Kryetari i Grupit Parlamentar i PS-së Taulant Balla, ka marrë pjesë në Asamblenë Socialiste të Cerrikut që u zhvillua në kuadër të takimeve organizative dhe parapërgatitore për zgjedhjet parlamentare të vitit 2021.

Balla tha se ndryshimet kushtetuese i garantojnë qytetarëv të drejtën për të zgjedhur forcën politike të cilës duan t?i besojnë qeverisjen e vendit dhe deputetin që duan në Kuvend.

Sipas tij, është fakt i pakundërshtueshëm se listat e mbyllura kanë penguar fuqizimin e ndikimit të votuesve në përzgjedhjen e kandidatëve dhe kufizimin e arsyeshëm të fuqisë së udhëheqjes apo të kryetarit të partisë në përcaktimin e deputetëve.

?Listat e mbyllura ishin pengesë për përfaqësimin më të mirë të komuniteteve në parlament dhe lehtësimin e ndikimit të grupimeve partiake mbi komunitetet kur vjen puna te zgjedhja e individëve. Jam shumë krenar që edhe në këtë vendim të rëndësishëm Partia Socialiste, si gjithmonë, u vendos në anën e duhur të historisë, të zhvillimit demokratik dhe të përsosjes së plurarizmit dhe në anën e duhur të popullit shqiptar, të zgjedhësve shqiptarë, të cilëve me këtë votë ne u japim mundësinë të zgjedhin, jo vetëm partinë, por dhe deputetin që duan.

Vota është ushtrim i autoritetit të sovranit. Gjatë këtij mandati të Kuvendit, 18 muaj më parë deputetë të PD dhe LSI tradhëtuan mandatet që u kish dhënë populli, për hir të një maskarade politike të pashoqe në historinë e vendeve demokratike. Këta sok politikanësh që tradhëtojnë zgjedhësit e tyre, nuk mund tu besohet më vota.

Këtu në Cërrik, në nëntë vitet e fundit ka qeverisur katër vite PD dhe më pas katër LSI. 8 vite të humbura, me një qeverisje vendore të pa-aftë dhe të korruptuar. Prej 30 Qershorit 2019 bashkia ju kthye njerëzve, popullit të Cerrikut dhe ne duhet t?i qëndrojmë besnikë pritshmërive të njerëzve. Edhe pse në vështirësitë e tërmetit dhe pandemisë, Cërriku po merr shumë investime të rëndësishme publike infrastrukturore si në ujësjellës, rrjeti i energjisë elektrike, shkolla, qendra shëndetësore etj?, deklaroi numri 2 i PS-së gjatë fjalës së tij./ CNA.al