E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

Kur do përgjigjet Edmond Haxhinasto dhe LSI për skandalin e rrugës Tiranë-Elbasan?

14 Shtator 2020, 11:41, Politikë CNA

Rreth 10 ditë më parë, në media plasi lajmi në lidhje me një gjobë 44 milionë euro, për shtetin shqiptar, ardhur si pasojë e problematikave midis firmës ndërtuese të rrugës Tiranë-Elbasan, ?Aktor? dhe shtetit shqiptar.

Menjëherë reagoi opozita. Partia Demokratike drejtoi shigjetat e saj nga qeveria dhe kuptohet është krejtësisht në të drejtën dhe në rrugën e saj. Por, fatkeqësisht e vërteta ishte se ?gjëmen? e rrugës Tiranë-Elbasan, nuk e kishte bërë qeveria ?Rama?, nuk e kishin bërë ministrat e tij, por ministrat e Ilir Metës në qeverinë e kryeministrit të Rilindjes.

Është Edmond Haxhinasto njeriu përgjegjës për një shtesë fondesh që mund të llogaritet edhe si dëm prej gati 145 milionë dollarësh.

CNA.al ka raportuar sesi projekti është ndryshuar 21 herë, me propozim të firmës, por me miratim të Haxhinastos, megjithëse kontrata e firmosur ishte e tipit FIDIC, e cila quhet kontratë ?me çelësa në dorë?.

Firma propozoi ndryshimet e projektit, që të sillte uljen e kostos, por në fakt ajo që ndodhi ishte një rritje prej gati 95 milion dollarësh, të kostos së ndërtimit. Sidomos në lotin e parë të këtij segmenti rrugor.

Por, pas disa daljeve të PD-së, ra heshtja. Më pas pati edhe një reagim të Edmond Haxhinastos dhe nuk foli më.

44 milion eurot u harruan. As PD-ja nuk po flet nga foltorja e saj, dhe as LSI-ja nuk po flet më.

Haxhinasto bëri një autogol duke na treguar një dokument të 2016-ës, dhe thuajse duke pranuar publikisht se për tre vite kishte bërë çfarë kishte dashur dhe reagoi në fund kur hajdutëria ishte bërë mal.

Më poshtë letra e Haxhinastos, drejtuar kryeministrit:

Por të gjitha ndryshimet mbajnë firmën e tij dhe të pasardhësit të tij Sokol Dervishaj, por edhe drejtorit të projekteve Albion Aliko.

Për këtë LSI dhe Haxhinasto kanë mbyllur gojën.

Por, në fakt Haxhinasto duhet të flasë, të sqarojë publikun dhe të mos mbyllë gojën.

Haxhinasto duhet të përgjigjet se pse i pranoi ndryshimet e projektit, kur në fakt kontrata ishte me ?çelësa në dorë??

Pse u ndryshua 21 herë projekti dhe kostot shtesë të investimit u morën nga qeveria?

Ndërkohë që kontrata sërish thotë se është firma përgjegjëse për to. Kështu shkruhet edhe në ndryshimet e bëra në Këshillin Teknik.

Skandali i Rrugës Tiranë-Elbasan, është rasti ku LSI, ashtu si shumë herë të tjera, është zhytur në llumin e korrupsionit dhe skandaleve.

Këtë herë nuk është vetë Ilir Meta, por është krahu i tij i djathtë Edmond Haxhinasto, i cili po përpiqet të fshihet për të kuruar imazhin e tij që më pas të garojë në Elbasan.

Por, është koha që Haxhinasto të flasë dhe LSI të japë llogari për ministrin e saj të korruptuar dhe të përfshirë në një skandal që i ka sjellë shtetit shqiptar një dëm ekonomik të frikshëm. Kjo thjeshtë dhe vetëm sepse Haxhinasto, në të gjithë detyrën e tij ka mbyllur sytë dhe veshët në lidhje me një investim që gati iu dyfishua vlera fillestare duke iu ndryshuar projektet rrugës.

Do të flasë dhe do ta sqarojë vetë opinionin publik apo do të jetë SPAK që do ta detyrojë Haxhinaston dhe LSI-në të flasin për mega-vjedhjet dhe gjurmën e lënë në krimin e autostradës Tiranë-Elbasan, e cila në lotin e parë ende nuk është dorëzuar dhe ende nuk është përfunduar./ CNA.al

Pse duhet arrestuar Edmond Haxhinasto/ Ndryshoi projektin 21 herë, kostoja 145 milionë dollarë

Skandali me gjyqin 44 milionë euro/ Faktet që akuzojnë Edmond Haxhinaston, zyrtarët e LSI dhe provat për SPAK

LSI pas skandalit me gjyqin 44 milionë euro për kompaninë greke të rrugës Tiranë – Elbasan