web counter
LEXO PA REKLAMA!

SHKARKO APP

E fundit!

x

Kryente martesa mes të rinjve për t’i çuar luftëtarë për ISIS/ Merret vendimin për Lubjana Gjeçajn

8 Shtator 2020, 09:34, Kronika CNA

Gjykata e Tiranës ka caktuar masën  e sigurisë”Arrest me Burg” për Lubjana Gjeçajn.

43-vjeçarja u arrestua 2 ditë më parë në zonën e Astirit nga efektivët e AntiTerrorit, pasi ishte shpallur në kërkim ndërkombëtar nga autoritetet italiane, për pjesëmarrje në organizatë terroriste.

Masa e sigurisë është vendosur me qëllim ekstradimin e saj në Itali. Lubjana është shprehur për autoritetet shqiptare se ka qenë në dijeni për dënimin në vendin fqinj, ka dashur të vuajë dënimin në Itali por autoritetet nuk e kanë lejuar.

Gjeçaj ishte pjesë e një grupi terrorist të goditur në vitin 2014, të cilët kryenin martesa mes të rinjve dhe më pas i dërgonin ata në Siri për të luftuar si terroristë për ISIS.

Pas një operacioni 8 mujor, karabinierët në Itali prangosë 10 persona, mes tyre 4 italianë, 1 kanadez dhe 5 shqiptarë. Përveç Lubjana Gjeçajt, pjesë e grupit ishte dhe Dritan Gjeçaj bashkëshorti i 43-vjeçares, Baki Çoku, Aldo Kobuzi dhe Arta Kakabuni./CNA.al

 





Lajmet e fundit nga