web counter
LEXO PA REKLAMA!

SHKARKO APP

Gjendja në spitalet Covid/ Humbin jetën 4 të infektuar

6 Shtator 2020, 14:14, Lifestyle CNA

Në spitalin Infektiv dhe “Shefqet Ndroqi” po trajtohen 193 pacientë të konfirmuar pozitivë me COVID-19, 13 në terapi intensive nga të cilët 4 pacientë janë të intubuar.

Gjithashtu në dy spitalet COVID janë duke marrë shërbim të specializuar 12 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.

Me gjithë përpjekjet e mjekëve dhe infermierëve në dy spitalet Covid, betejën me këtë virus të rrezikshëm nuk e kanë fituar një 64 vjeçar nga Durrësi, dhe 3 qytetarë nga Tirana : një 81 vjeçar, një 85 vjeçare dhe një 87 vjeçar.

Ministria e Shëndetësisë i shpreh ngushëllimet familjarëve dhe i bën thirrje qytetarëve të respektojnë masat kundër përhapjes së virusit./ CNA.al





Lajmet e fundit nga