Shkolla e saporikonstruktuar shembet nga tërmeti/ Bashkia e Krujës zhduk gjurmët brenda 48 orëve

31 Gusht 2020, 11:14, Politikë CNA

Sekretari i Çështjeve Ligjore të Partisë Demokratike, Çlirim Gjata, ka shkuar sot në Thumanë, e cila ishte një ndër zonat më të dëmtuara nga tërmeti tragjik i 26 Nëntorit të 2019-ës.

Gjata deklaroi se një shkollë e saporikontruktuar në nëntor të 2019-ës u shemb nga tërmeti vetëm pak ditë më pas. Demokrati pretendon se bashkia e Krujës i ka zhdukur gjurmët e shkollës brenda 48 orëve dhe vendin ku ka qenë e ka shtruar me çakull.

?Përsa i takon vendit ku ndodhemi, këtu ka qenë edhe një shkollë tjetër dykatëshe e rikonstruktuar, përveç kësaj shkolle këtu pas. Dhe ç?është më e bukura, nëqoftëse kjo shkollë këtu trekatëshe e ndërtuar e re, ka kushtuar 600 milionë lek të vjetra, rikonstruksioni i shkollës dykatëshe e cila nuk ekziston më, ka kushtuar 100 milionë lek më shumë dhe është inauguar 2 ditë përpara tërmetit.

Tërmeti e rrënoi atë përfundimisht. Kjo tregon se çfarë rikonstruksioni i është bërë asaj shkolle. Brenda 48 orëve nga Bashkia e Krujës është zhdukur shkolla. Janë zhdukur mbeturinat dhe është shtruar me çakull duke mos lënë asnjë gjurmë. Se përse është bërë kjo, është çështje e prokurorisë që duhet ta hetojë këtë rast. Ndërkohë që në Thumanë nuk kishin dalë akoma nga rrënojat dhe nuk ishin varrosur viktimat e tërmetit, Kryetari i Bashkisë gjeti kohën për të zhdukur gjurmët e shkollës së inauguruar dy ditë përpara tërmetit?, u shpreh ai.

Gjithashtu Gjata deklaroi në një dalje për mediat se në zonën e Thumanës dhe në disa fshatra ka një numër të lartë nxënësish dhe shkollat nuk i përballojnë, ndaj kërkoi zgjidhje nga qeveria.

?Nëqoftëse këtu kemi vetëm një shkollë e cila e ka të pamundur të përballojë fluksin e nxënësve, kemi mungesa të shkollave në fshatrat Bubq, Borizanë, Derven, Bushnesh ndërkohë që funksionale është vetëm kjo shkollë këtu dhe shkolla 9-vjeçare në fshatin Gramëz. Gjithashtu edhe gjimnazi i Krujës është në rikonstruksion dhe është jashtë funksionin për sa i takon rifillimit të vitit të ri shkollor.

Edi Rama propagandon me të madhe fillimin e vitit të ri shkollor dhe ka caktuar edhe protokollet. Si do ia bëjë në këtë zonë me gjithë këto shkolla të rrënuara dhe jashtë funksionit për të cilat nuk ka filluar as investimi më i vogël. Ku do të shkojë gjithë kjo masë e madhe e nxënësve, si do t?i respektojnë protokollet 18 vetë për një klasë ku vetëm dy shkolla në këtë zonë, duke filluar nga Kruja në Thumanë nuk ka shkolla funksionale.

Si do të realizohet kjo propagandë dhe gënjeshtër. Ku do të shkojnë gjithë këta fëmijë? Kjo është një gënjeshtër më shumë nga ato mal gënjeshtrash që paraqet kryeministri i këtij vendi. Fatkeqësia e këtij vendi. Sa kohë të jetë kjo qeveri përveçse propagandës dhe gënjeshtrave nuk do të ketë gjë tjetër. Ta harrojnë njerëzit që kjo qeveri mund d të bëjë diçka për arsimimin e fëmijëve të tyre. Ata duhet ti përgjigjen të gjithë këtyre problemeve. Së pari duhet të përgjigjen penalisht se përse u shkatërrua shkolla dy katëshe që ka kushtuar 100 milionë lek më shumë se shkolla tre katëshe e re?, theksoi demokrati.

Në përfundim, sekretari i Çështjeve Ligjore në PD tregoi se për këtë PD ka bërë një denoncim në SPAK./ CNA.al