E fundit!

09:36 Kosova & Bota

Shërbimi Gjeologjik i SHBA-së: Tërmeti që goditi Venezuelën ishte më i madhi në më shumë se një shekull

Tërmeti i së mërkurës ishte më i madhi që ka goditur Vene...

Studimi britanik/ Covid-19 po bëhet më pak vdekjeprurës në Evropë, por arsyeja mbetet ende mister

28 Gusht 2020, 06:43, Lifestyle CNA

Është duke u bërë gjithnjë e më e qartë, se njerëzit kanë më pak të ngjarë të vdesin nëse preken nga Covid-19 sot, krahasuar me disa muaj më parë, në fillimet e pandemisë, të paktën në Evropë. Por arsyet mbi këtë gjë mbeten ende të panjohura.

Një mjek në Britaninë e Madhe, është shprehur se koronavirusi ishte ?më pak i zemëruar?, ndërsa një këshilltar i sëmundjeve infektive në Universitetin Kombëtar të Singaporit pretendoi se një version i koronavirusit që ka pësuar mutacion, D614G, po e bën sëmundjen më pak vdekjeprurëse.

Në Angli, përqindja e njerëzve të infektuar nga koronavirusi dhe që më pas vdiqën, ishte sigurisht më e ulët në fillim të këtij muaji sesa në fund të qershorit. Gjatë kësaj periudhe, norma e vdekshmërisë së infeksionit (SNRF) ra nga 55 deri në 80 për qind, në varësi të grupit të të dhënave që u përdorën, gjetën Xhejzën Oki nga Universiteti i Oksfordit dhe kolegët e tij.

?Koronavirusi i ri nuk duket të jetë e njëjta sëmundje aq vdekjeprurëse sa ishte më parë, kur ne pamë të vdesin një numër i madh njerëzish?-thotë ai. Për shembull, javën që filloi më 17 gusht, në të gjithë Britaninë e Madhe vdiqën vetëm 95 persona, teksa pati pak më shumë se 7000 raste në të gjithë Mbretërinë e Bashkuar.

Në javën e parë të prillit, vdiqën 7164 njerëz ndërsa gati 40.000 rezultuan pozitivë me Covid-19. Ndarja e vdekjeve sipas rasteve, na jep një normë të papërcaktuar vdekshmërie prej rreth 1 për qind në muajin gusht, krahasuar me gati 18 për qind në prill.

Këto shifra nuk paraqesin shkallën e vërtetë të vdekshmërisë (IFR), si për shkak se vdekjet ndodhin pas disa javësh nga infektimi, ashtu edhe sepse strategjia e testimeve kanë ndryshuar me kalimin e kohës. Por gjithsesi ato janë një tregues i një ndryshimit të vdekshmërisë.

Oki dhe kolegët e tij përdorën një metodë më të sofistikuar për të vlerësuar ndryshimin në SNRF. Situata nuk është unike vetëm për Anglinë dhe pjesën tjetër të Mbretërisë së Bashkuar, thotë Oki, që ka zbuluar të njëjtën prirje të përsëritur në të gjithë Evropën. Megjithatë,se përse po ndodh diçka e tillë kjo nuk është aq e qartë.

Sipas të dhënave për Anglinë, aktualisht po infektohen më shumë të rinj, sesa gjatë valës së parë të madhe të rasteve në prill, teksa rastet e datave 10-16 gusht janë më të lartat tek njerëzit midis 15-44 vjeç.

Dihet që Covid-19 është më pak i rrezikshëm tek moshat më të reja, prandaj ndryshimi i demografisë së atyre që infektohen, mund të jetë një arsye e besueshme pse sëmundja duket aktualisht më pak vdekjeprurëse. Megjithatë Oki nuk mendon se kjo nuk është e mjaftueshme për të shpjeguar atë që po ndodh.

?Ka ende shumë të moshuar që rezultojnë pozitivë me Covid-19?- thotë ai. Disa studiues janë shprehur për ?New Scientist?, se shpjegimi tjetër kryesor i mundshëm, është se rastet me Covid-19 po trajtohen në mënyrë më efektive nëpër spitale.

Nuk dihet nëse një variant i koronavirusit, i njohur si D614G, na shpjegon se përse Covid-19 po bëhet më pak vdekjeprurës. Pol Tambiah nga Universiteti Kombëtar të Singaporit deklaroi për agjencinë e lajmeve ?Reuters?, se shtimi i mutacioneve tek D614G, kishte përkuar me rënien e niveleve të vdekjeve në disa vende, duke sugjeruar se virusi mund të jetë ?më infektiv, por më pak vdekjeprurës?.

Pot studime të tjera nuk pajtohen me këtë konstatim Ato arrijnë në përfundimin se ndërsa D614G mund të jetë më ngjitës, nuk ka asnjë provë që është më pak vdekjeprurës. Një studim i udhëhequr nga Erik Volz në Kolegjin Mbretëror të Londrës, botuar këtë muaj, shqyrtoi gjenomin e mostrave të virusit të marra nga 19.000 pacientë në Mbretërinë e Bashkuar, bashkë me çështjen nëse ata kishin vdekur nga Covid-19.

?Ne nuk shohim një rrezik të zvogëluar të vdekjes për shkak të variantit D614G?-thotë Volz. Ai shton se mos-kontrolli i moshës së pacientëve në këtë modelim mund të çojë në një ?përfundim të nxituar? se mutacioni ka prodhuar një variant ?më pak vdekjeprurës?./ newscientist.com–Përshtatur nga CNA.al