Allmuça beson te kualifikimi i Kukësit në Europë: Ja si ja dalin

25 Gusht 2020, 08:02, Sport CNA

Te Kukësi e duan me çdo kusht kualifikimin. Pjesëmarrja nuk përbën më lajm për ta, ndaj edhe qëllimi është i qartë: kalimi i turit të parë. Igli Allmuça beson se skuadra i ka shanset reale për të shkuar më tej, megjithatë thekson se edhe pak fat nuk do t?u bënte keq. Ish-mesfushori, i cili mbahet mend për atë gol që i dha kualifikimin kundër Sarajevos më 18 korrik 2013, në një intervistë të dhënë për ?Panorama Sport? tregon sekretet e fitoreve në këtë kompeticion. Ai nuk ngurron që të flasë për të shkuarën dhe të skanojë edhe skuadrën aktuale që drejtohet nga Skënder Gega.

Kukësi do të luajë me Slavian e Sofjes këtë të enjte, çfarë pret Allmuça nga kjo ndeshje?
Kukësi e ka bërë rrugë pjesëmarrjen në Europë. Tashmë është një skuadër me eksperiencë, pasi u bënë 8 vite militon sa në Europa League aq edhe në Champions League. Historia nisi në 2013-2014 në Europa League, ku edhe unë isha pjesë e tyre.

Jeni ?heroi? i kualifikimit më Sarajevon në 2013-ën, me atë gol që çoi shifrat në 2-3?
Isha pjesë e rëndësishme e atij Kukësi që u krijua rishtazi me shumë dëshirë dhe shumë vullnet nga presidenti Safet Gjici, i cili u kthye në një klub të madh prej kontributit të ?trinomit? presidencë, lojtarë dhe tifozë. Bëmë mirë në kampionat gjatë vitit të parë dhe shkruam historinë, pasi ishim klubi i parë shqiptar që arritëm deri në fazën ?play off? në Europa League. Deri në atë kohë ishte tabu për klubet tona, ndaj jam krenar që ndikova në rezultatin dhe lojën jo vetëm me Sarajevon po në të tria raundet që luajtëm dhe u kualifikuam.

Rrugëtim që u ndal nga Trabzonspori i Maludasë. A ishte ai goli më i rëndësishëm në karrierë?
Patjetër, është një nga më të rëndësishmit në karrierën time. Ndeshja e parë e turit të dytë doli 2-3, ndërsa e dyta u mbyll 0-0, ndaj edhe ai gol u bë përcaktues. Me atë gol kaluam turin dhe vazhduam rrugën e suksesshme në Europa League. Jam i kënaqur shumë për të dyja vitet që kam qenë pjesë e Kukësit jo vetëm për kontributet që kam dhënë, por edhe për respektin që kam marrë nga drejtuesit, tifozët dhe shokët. Ajo që më ka pëlqyer ka qenë edhe korrektësia në planin financiar.

I ruani kontaktet me drejtuesit dhe a keni marrë ndonjë ftesë për të qenë pjesë e stafit?
Kam marrëdhënie shumë të mira me presidentin Gjici. Unë kam qenë pjesë e klubit të Dinamos për disa vite dhe nuk e kam parë të arsyeshme për të lëvizur, por tani nuk mund të flas për ftesa apo gjëra të kësaj natyre kur Kukësi është i kompletuar.

Sa shanse ka Kukësi që ta kalojë Slavian e Sofjes?
Në këto momente çdo përballje është e vështirë dhe natyrisht ndeshja do jetë e vështirë. Kukësi ka krijuar eksperiencë të konsiderueshme në Europë dhe të paktën një tur e kalon thuajse çdo vit. Shanset janë reale. Duke qenë se ndeshja është me një takim, është avantazh i mirë jo vetëm për Kukësin, por të gjitha ekipet shqiptare. Kukësi ka shumë shanse ta kalojë turin.

Nga koha juaj ka mbetur vetëm Hallaçi dhe Musolli, i pari në staf e dyti në fushë. Çfarë u sugjeron atyre tani?
Të dy e kanë eksperiencën e duhur pasi e njohin shumë mirë skuadrën në Kukës dhe do t?i shërbejnë shumë skuadrës, Musolli në fushë dhe Hallaçi në stol.

Sa ka ndryshuar ky ekip nga ai që latë ju në 2015-ën?
Kukësi ka ndryshuar. Skuadra që mbylli sezonin ishte më e mirë cilësisht, kishte karakter dhe grintë. Ishte një grup që jepte shpirtin në fushë e secili bënte detyrën e vet në maksimum, ishte një ekip shumë i disiplinuar si në fushë dhe jashtë saj. Kukësi ka qenë më mirë tani nga cilësia, por repartet kanë qenë më të shkëputura dhe ka pasur më shumë individualitete sesa lojë grupi, kjo bëri dhe që ekipi të mos arrinte trofe, flas për Kukësin e këtij sezoni që lamë pas.

Cilat janë sekretet e kalimeve të tureve në Europë?
Kur gjithë skuadra është në unison, forca e grupit dhe shpirti i garës, por edhe fati duhet të jetë me ekipet tona për të kaluar më tej në Kupat e Europës.