Drejtori i Tiranës: Ja lojtari që do bëjë diferencën ndaj Crvena Zvezdës

24 Gusht 2020, 13:57, Sport CNA

Nesër Tiranën e pret një ndeshje shumë e rëndësishme, teksa përballen në Air Albania me Cërvena Zvezdën. Bardheblutë janë të karikuar për të marrë më të mirën, ndërsa kërkojnë të vazhdojnë ëndrrën europiane në Champions League. Sakaq, në një intervistë për shtypin serb, saktësisht për ?Zurnal?, drejtori i Tiranës, Arbi Laçi ka theksuar se kryeqytetasit luajnë gjithmonë për të fituar.

Ndërkohë, beson se në këtë ndeshje diferencën do ta bëjë sulmuesi Ernest Muçi. Për t?u përmendur edhe fakti se Laçi ka menduar të mos krijojë më shumë polemika mbi çështjet politike nga e cila sfida është e pamundur të mos karakterizohet, duke thënë se është thjesht një ndeshje futbolli.

?Vetëm një ndeshje futbolli po na pret, e fortë dhe e veçantë. Përballje të tilla meritojnë që të luajnë përballë tifozëve. Kur ti mbërrin në këtë nivel të ?Champions League?, atëherë ekipe të forta të presin dhe ne jemi gati. I pëlqej këta rivalë të fortë. E respektojmë Zvezdën për rezultatet që ka arritur në gjithë këto vite në Europë, por e shohim këtë ndeshje si finale që duam vetëm ta shijojmë dhe fitojmë.

Dinamo Tbilis? Luajtëm ashtu siç dëshironim. I dinim kualitet e tyre dhe mënyrën sesi duhej të shënohej goli. Jemi të ndërgjegjshëm se ndoshta nuk zhvilluam një ndeshje shumë të bukur, e bëmë një sakrificë, por ishim të zgjuar për të marrë nga Tbilisi atë që donim. Tirana është një klub me histori të pasur, një shekullore. Ne gjithmonë luajmë për të fituar, nuk ka rëndësi kundërshtari. Unë besoj se ylli jonë 19-vjeçar, Ernest Muçi, do të bëjë diferencën në këtë ndeshje.

Sa i përket Dejan Stankoviç, e njoh si futbollist. Një emër i madh në futbollin e Serbisë. E kam ndjekur edhe si trajner në këto muaj të fundit. Meriton përgëzime sepse fitoi titullin e parë në karrierë. Por dua ta largojmë pak bisedën nga kundërshtari përpara ndeshjes. I?u thashë se e dimë se Zvezda është një ekip i mirë. Shumë vite më parë vinin lojtarë dhe trajnerë që punonin në Shqipëri. Ne nuk kemi asnjë problem me këtë, futbolli nuk do pasaport. Jetojmë në globalizim dhe le ta përdorim këtë ndeshje për të thyer barrierat?, tha Laçi.