web counter
LEXO PA REKLAMA!

SHKARKO APP

App Store
Google Play

Moviola e finales, ja gabimet e Orsatos (VIDEO)

24 Gusht 2020, 07:56, Sport CNA

Në fund gabimet u ?balancuan?, por gjithsesi njolla mbetet. Për arbitrin italian, Daniele Orsato, nuk ishte një ndeshje e lehtë, pasi rastet e nxehta nuk munguan dhe në fund mund të kishin lënë gjurmë në rezultatin e ndeshjes. Dy ndër episodet më të nxehta ishin dy pretendimet kryesore për penallti, nga një për secilën skuadër.

PRETENDIMI I BAJERNIT ? Në sekondat e kohës shtesë në pjesën e parë, Koman driblon dhe futet në thellësi të zonës nga e majta. Pasi driblon rivalin e PSG-së, sulmuesi i Bajernit rrëzohet, duke qenë se Kehrer e tërheq me dorë nga shpatulla.

Zhbalancimi duket se ekziston, pasi nuk i lejon Komanit që të lëvizë natyralisht, por për Orsaton dhe VAR-in nuk ekzistojnë limitet për 11-metërsh. Një rast shumë i dyshimtë, ndonëse ky kontakt anon shumë nga penalltia, sesa nga një kontakt normal zone.

Pretendimi i PSG-së ? Ndërkohë, edhe PSG-ja mund të ndihet ?e grabitur? nga rasti i minutës së 73-të. Mbape mbron një top në zonën e Bajernit të Mynihut dhe në tentativën për të pasuar, francezi goditet në kavilje, nga mbrapa, nga Xhoshua Kimish. Orsato edhe këtu lejon avantazhin, ndërsa VAR-i aprovon vendimin e ?bilbilit? italian. Por kontakti ekziston dhe në këtë rast ishim shumë pranë limiteve të penalltisë.





Lajmet e fundit nga