E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Trajtimi i të infektuarve me plazmë/ Rakacolli thirrje personave që kanë mposhtur Covidin

20 Gusht 2020, 13:04, Lifestyle CNA

Kryetarja e Komitetit Teknik, njëkohësisht zv.ministrja e Shëndetësisë, Mira Rakacolli, ka folur pak më parë për trajtimin e të infektuar më plazmë.

Rakacolli deklaroi se ende nuk është konfirmuar efektiviteti i trajtimit me plazmë, ndërsa theksoi se sipas logjikës pritet të japë rezultat.

?Nuk ka akoma asnjë gjë të konfirmuar për efektivitetin e saj. Është alternativë që mendohet me një logjikë të thjeshtë, që mund të japë rezultat. Historia e dhurimit të plazmës, është histori e vjetër, daton edhe 100 vite më parë. Është përdorur dhe me gripin spanjoll. Në momentin kur nuk ka një mjekim specifik apo vaksinë, mendohet që ata antitrupa tek personat që janë shëruar, të mund t?i jepen një personi tjetër që të fitojë betejën. Që të thuash është efikase, duhen shumë studime. Për të arritur në një konkluzion, duhen numra, studime. Por akoma nuk kemi rezultate të qëndrueshme për efikasitetin e saj?, u shpreh ajo në News 24.

Zv.ministrja tregoi se dje është lançuar fillimi i kësaj metode. Rakacolli tha se ka filluar faza e mbledhjes së dhuruesve dhe i bëri një thirrje qytetarëve që kanë kaluar koronavirusin.

Plazma nuk është gjë që blihet apo prodhohet. Ajo dhurohet. Duhet ta kesh gjënë dhe më pas të kesh zinxhirin se si të aplikohet ajo. Duhet të sigurohet cilësia dhe më pas vijnë procedurat e tjera. Ne kemi qenë në lidhje me një grup italian, të një universiteti, për të koordinuar këtë protokoll. Është proces i nisur, i mirëmenduar. Jemi në fazën e mbledhjes së dhuruesve. Jo çdo person që ka kaluar COVID-19 mund të përmbajë antitrupa. Dje ka qenë dita e parë e dhurimeve. Janë bërë 5 dhurime.

Shpresojmë shumë që numri i personave dhurues të rritet. Pajisjet janë të gjitha. Në drejtim të gjitha gjërave, në infrastrukturë, jemi gati. Nëse kemi një plazmë të përshtatshme, do e injektojmë tek personat. Dua të bëj thirrje të gjithë atyre që kanë kaluar COVID, që të bëhen heronj të dikujt. S?ka gjë më të mirë se kjo. Mund të dhurohet në të gjitha pikat ku ka banka të dhurimit të gjakut. Problemi është tek krijimi i bankës së plazmës. Është e gjitha në dorë të qytetarëve që kanë kaluar COVID. Plazma iu ofrohet atyre pacientëve që ofrojnë këto parametra. Pra jo të gjithë do të marrin plazmën. Do ju bëhet atyre që mendohet se iu bën mirë. Nuk ka mjekim specifik për këtë sëmundje. Mjekojmë simptomat dhe pasojat?, nënvizoi kryetarja e Komitetit Teknik./ CNA.al