web counter
LEXO PA REKLAMA!

SHKARKO APP

App Store
Google Play

E fundit!

x

Anila Hoxha ngre alarmin/ Dritan Dajti mund të lirohet nga burgu vitin tjetër

8 Gusht 2020, 10:53, Kronika CNA

Gazetarja e kronikës Anila Hoxha, ka kujtuar vrasjen e 4 dëshmorëve Altin Dizdari, Fatos Xhani, Kastriot Feskaj dhe Samir Duçkollari.

Në një postim në rrjetet sociale, Hoxha ngre alarmin se Dritan Dajti po shkon drejt daljes nga burgu dhe deklaron se në këtë mënyrë po rivriten edhe njëherë 4 policët.

Ajo zbërthen skemën që pretendon se po nxjerr jashtë dyerve të burgut Dritan Dajtin.

?Fuat Vjerdha gjyqtari i Apelit që votoi kundër zbritjes së dënimit të përjetshëm për Dritan Dajtin. U shkarkua! Lindita Hoxha, gjithashtu kundër uljes së dënimit të përjetshëm. U shkarkua! Prokurori Artan Bajrami përpara se të bënte rekursin në Gjykatën e Lartë për vendimin ndaj Dajtit, për çështje orësh u shkarkua dhe ai. Tani ka fjalë juristësh që parashikojnë: Gjykata e Lartë me kleçkën se dosja duhej rekursuar nga prokurori i çështjes ( Bajrami) dhe jo prokuror zëvendësues do vendosë rrezimin e rekursit.

Ne rast se kjo ndodh, Dajtit i mbeten në fuqi 25 vjet dhe me kohën e para-burgosjes llogaritet që vjeshtën e 2021, të kthehet në shtëpi. Edhe pse mbase ndonjëri nga ju priste të kishte qenë në listën e regjimit 41 bis! Ndaj veç të sotmes, si datë vrasjeje të dëshmorëve Altin Dizdari, Fatos Xhani, Kastriot Feskaj dhe Samir Duçkollari, kujtoni edhe datat kur ata u rivranë dhe kur do rivriten në vazhdim?, shkruan ajo.

Kujtojmë se 4 efektivët Fatos Xhani, Altin Dizdari, Kastriot Feskaj, dhe Sajmir Duçkollari, u ekzekutuan më 7 gusht të vitit 2009, gjatë një operacioni në zonën e plazhit për të arrestuar Dajtin.

Ai ishte shpallur në kërkim, pasi ai ishte dënuar për vrasjen e biznesmenit Agim Beqo në vitin 1999 në Tiranë./ CNA.al





Lajmet e fundit nga