web counter
LEXO PA REKLAMA!

SHKARKO APP

App Store
Google Play

E fundit!

x

I preu kokën nënës në Pogradec/ Dëshmia e autorit: Nuk pendohem, do të ndodhte një ditë

6 Gusht 2020, 19:48, Kronika CNA

Sikur të mos mjaftonte krimi i rëndë i vrasjes së një 70-vjeçareje nga i biri me të meta mendore, ngjarja merr përmasa horror pas asaj që ka zbuluar policia dhe efektivët e parë që kanë mbërritur në vendin e ngjarjes.

Sipas skenës që ndërtoi policia, ose më saktë çka gjeti, djali pasi e ka vrarë nënën e tij Firdes Çekiçi me thikë i ka prerë kokën dhe më pas e ka varur tek dera.

44-vjeçari Olsi Çekiçi ishte i kartelizuar, por nuk pranonte të merrte mjekim dhe për më tepër dyshohej se përdorte lëndë narkotike.

Gjatë arrestimit, i lyer i gjithi me gjak nuk ka bërë rezistencë.

Në dëshminë e dhënë në polici, ai ka shokuar me deklaratën, kur ka thënë se kjo do të ndodhte një ditë. “Nuk pendohem për krimin.  Amanet vajzën dhe vëllain”, ka thënë ai.

Por janë fqinjët dhe banorët e fshatit Buçimas ata që hedhin dritë mbi gjendjen mendore të djalit, duke përforcuar atë çka dëshmoi Çekiçi.

Ata thonë se 44-vjeçari ishte me probleme mendore dhe ishte marrë disa herë nga policia dhe dërguar në spitalin psikiatrik të Elbasanit.

?Ishte tip që policia e ka marrë disa herë për ta çuar në spitalin psikiatrik në Elbasan, e kanë liruar. Ishte i dhunshëm. Grindej në familje. Thonë që përdorte lëndë narkotike.

I kishte prerë kokën ia kishte varur në derë. Jemi shumë të tronditur. Këtu fajin e ka shteti. Çfarë doktori është ai i Elbasanit që hodhi firmën dhe nuk e mbajti në spital.?-thotë një tjetër banor i tronditur.





Lajmet e fundit nga