web counter
LEXO PA REKLAMA!

SHKARKO APP

App Store
Google Play

Kalimi në qeli të posaçme/ Avokati i Shullazit ankimon vendimin, paralajmëron padi për ‘313’

3 Gusht 2020, 11:39, Kronika CNA

Avokati i Emiljano Shullazit, Vladimit Meçe, ka ankimuar në GjKKO, vendimin e Ministrisë së Drejtësisë, për kalimin e klientit të tij, në regjimin ?41 bis?. Ai u shpreh se do të kallëzojë penalisht edhe administratën e burgut ?313?, të cilët nuk i lejuan që të takohen me klientin e tij.

?Ne nuk u lejuam nga administrata e burgut të takonim klientët tanë dhe nuk na u dha asnjë shpjegim. Paligjshëmria vijon edhe në këtë drejtim. Qeliza e izolimit ka kufizime të lirisë dhe takimeve me të tjerët, por përjashton avokatët dhe do të bëjmë edhe kallëzim penal?, tha Meçe.

Ai përsëriti edhe njëherë deklaratën e tij, se vendimin ndaj Shullazit është abuziv, pasi ndaj klientit të tij, nuk ka një vendim të formës së prerë, ndërsa shtoi, se ka pasur shkelje gjithashtu edhe në procedurën, mbi të cilën është marrë vendimi.

?Ligji flet për subjekte të organizatave kriminale, dhe Emiljano Shullazi nuk ka asnjë vendim të formës së prere për këtë akuzë. Ka dhe shkelje të tjera që lidhen me procedurën me të cilën është realizuar marrja e këtij vendimi nga ministria e Drejtësisë. Ne nuk e dimë se klienti im është vendosur në regjimin ?41-bis??, u shpreh Meçe.
Ministrja e Drejtësisë, Etilda Gjonaj, firmosi më 1 gusht emrat e parë që do të transferohen në qelitë e veçanta. Arbjon Aliko, banda e Shullazit dhe Genci Balla, i arrestuar për terrorizëm, do të izolohen në qeli të posaçme./CNA.al





Lajmet e fundit nga