E fundit!

09:40 Kronika

“Jam kushëriri…”/ Skifteri i merr 60 mijë euro kambistit, u prezantua si i afërm i një biznesmeni

Një kambist në Durrës ka humbur 60 mijë euro pasi është ma...

Si e shkatërroi bashkia simbolikën e Monumentit të Pavarësisë në Tiranë

2 Gusht 2020, 09:35, Sociale CNA

Gazetarja Dhurata Hamzaj, përmes një shkrimi në FB ka sjellë në vëmendje kohën kur u ngrit Monumenti i Pavarësisë në Parkun Rinia, konceptimin e autorëve dhe ndryshimin që iu bë këtë vit me ndërhyrjet në Park.

Sipas autorëve, qytetarët duhet te ecnin me nje ndjesi lirie e pavaresie mespermes monumentit ne dyshemene e tij, ndërsa sot nuk mund ta bëjnë një gjë të tillë, pasi ai është i rrethuar me një pellg uji. Sipas Bashkisë, kjo ishte forma më e mirë për ta shpëtuar Monumentin nga njerëzit e papërgjegjshëm që urinonin aty.

“Ky monument u ngrit ne nentorin e 2012-s me rastin e 100-vjetorit te Pavaresise. Pati debate te pazakonta per perzgjedhjen e kesaj vepre te dy artisteve: Visar Obrija nga Kosova dhe Kai Kiklas nga Austria.

Megjithate monumenti 6.5 metra i larte dhe 5.5 metra i gjerë, i konceptuar nga artistet si kulla shqiptare zuri vend ne qender te Tiranes bri bulevardit kryesor. Monumenti u vendos sic e kishin konceptuar autoret me kahje nga moderniteti, me nje simbolike qe duhej te perjetohej cdo dite nga kalimtaret. Ata duhet te ecnin me nje ndjesi lirie e pavaresie mespermes monumentit ne dyshemene e tij. Ky ishte thelbi i interpretimit te vepres se artit.

Por jo tani kalimtaret s’mund ta bejne dot kete. Bazamenti i monumentit eshte transformuar si te ishte thjesht nje bordure lulishteje dhe eshte krijuar nje grope me uje qe te mos kalohet.!!! Me sa duket rrugen drejt lirise ne shqiptaret e kemi te shkruar ta bejme me ‘gomone’. Vepra qe nga themeli del jashte konceptit qe krijuan artistët Visar Obrija dhe Kai Kiklas. Sipas tyre monumenti është simbol i rezistencës shqiptare në kohë dhe luftra të vështira.
Ka formën e një kulle të hapur dhe simbolizon hapjen e rrugës së Shqipërisë drejt pavarësisë. Artistet e kane motivuar vepren me kete veshje simbolike: “Ajo ka dy forma qe së bashku krijojnë një kullë të hapur nga lart. Një pjesë është tavani, dhe pjesa tjetër dyshemeja. Nëse i bashkoni krijohet një kullë drejtkëndëshe. Në vështrim të parë vizitori krijon përshtypjen e represionit, izolimit të popullit shqiptar në vite, ndërsa dyshemeja i bën jehonë lirisë dhe pavarësisë”.

Keshtu e shpjegon artisti Obrija idene e dyshemese se monumentit te 100-vjetorit te Pavaresise qe tashme ustallaret dhe arkitektet e bashkise e kane bere te pakaluesheme. Shkurt nderhyrja ne estetiken autoriale te nje vepre arti eshte aq flagrante sa do te ishte njesoj sikur t i vishnin breke Davidit te Mikelanxhelos”, shkruan Hamzaj. /CNA.al