web counter
LEXO PA REKLAMA!

SHKARKO APP

App Store
Google Play

“Ndryshimet nuk janë të detyrueshme për opozitën”/ Paralajmërimi i fortë i Bashës: Asgjë nuk do të mund të ndalë

30 Korrik 2020, 11:51, Politikë CNA

Kryetari i Partisë Demokratike, Lulzim Basha ka dalë sot në një deklaratë për mediat pas votimit në parlament të ndryshimeve kushtetuese, për hapjen e listave dhe heqjen e koalicioneve parazgjedhore.

Në një deklaratë për mediat, Basha theksoi se Shqipëria i është dashur Edi Ramës vetëm për interesat e tij personale, por shtoi se nuk do të mund tia dalë.

Sa i takon ndryshimeve kushtetuese, ai theksoi se nuk janë të detyrueshme për opozitën dhe as për qytetarët shqiptarë.

Po ashtu ai u shpreh se koalicioni opozitar është koalicion me popuyllin shqiptar dhe se Edi Rama nuk do të mund ta ndalë rotacionin politik.

?Shqipëria i është dashur Edi Ramës vetëm për interesat e tij personale, por nuk do ia dalë.

Edi Rama e di se koha e tij po mbaron. Ai e ka humbur besimin e shqiptarëve.

Ai mendon se ndryshimet e njëanshme do zgjasin agoninë e pushtetit të tij, por ndryshimet janë të papranueshme dhe nuk janë të detyrueshme për opozitën dhe as shqiptarët. Ai sot tregoi fytyrën e autokratit të tmerruar për ndëshkimin që e pret. Makinacionet e tij nuk kanë për ta ndaluar rotacionin.

Koalicioni ynë është me shqiptarët, jemi bashkë për ta bërë këtë ndryshim.

Atyre që kërcënojnë ne do iu tregojmë se nuk ka më kthim pas.

Ne do vazhdojmë betejën për të mbroj demokracinë, asgjë nuk e ndal koalicionin mbarëpopullor kundër Ramës?-tha Basha./ CNA.al





Lajmet e fundit nga