web counter
LEXO PA REKLAMA!

SHKARKO APP

App Store
Google Play

E fundit!

x

Rama: Egbo njollosi titullin e Tiranës me fjalët e tij, mund të mos bëjmë merkato

28 Korrik 2020, 06:37, Sport CNA

Drejtori i Partizanit, Olsi Rama, ka treguar në studion e ?Procesi Sportiv? pikëpamjen e tij për zhgënjimin e të kuqve në këtë sezon, duke u ndalur te Lerda, Sormani, por edhe ndryshimet në krahasim me vitin e Gegës.

?Vazhdoj të jem i mendimit se ky ekip individualisht është më i mirë se ai i vitit të kaluar. Përshtatja është ajo që mungon që ai ekip e kishte e ky jo.

Nëse ne do të kishim fituar ne derbi do të ishte Tirana që do të luftonte për mbijetesë. Nuk e them se do të fitonim titullin, por do të luftonim për titull. Humbja në derbi dhe heqja e Lerdës ishte një faturë që e paguam më shtrenjtë e duhej. Edhe të heqësh një trajner menjëherë pas derbit që e humb për herë të parë pas 6 vitesh nuk ka ndonjë çudi të madhe. Edhe goli i minutës së fundit nuk ishte rrjedhojë e lojës e dominimit të Tiranës. Nuk ishte ajo ndeshja që hoqi Lerdën, nervoziteti i tepruar në krahasim me ekipin ishte ajo që e hoqi, do të kishte qenë më mirë të pritej fundi Ii fazës së parë .

Dështimi është përgjegjësi e të gjithëve, për një ekip asnjëherë fajtor nuk është vetëm një person. Si faji, edhe meritat fillojnë nga lart, çdo person në klub është i rëndësishëm, që nga presidenti, drejtori e punëtori i fushës. Fakti që me gjithë dëshirën italianët nuk funksionuan dhe nuk është se ka funksionuar me ekipe të tjera, është se mbasë vijnë me pak ?arrogancë? që vijnë nga realitet shumë më lart në futboll se Shqipëria dhe mendoj se nuk përshtaten psikologjikisht me futbollin tonë.

Kthesa në ndeshjet e fundit ështës ?efekti Kalari?, me refuzimin e stafit për të ardhur në stadium i thashë edhe presidentit Demi që jam i qetë se e vetmja mënyrë për të fituar me Tiranën ishte me Kalarin në stol. Do të ishte mënyrë e re komunikimi, më të qetë psikologjikisht. Lojtarët kanë luajtur më të lirshëm, Trashi pas ndeshjes tha ?sa mirë ishte sa qetë e bukur luhej kështu?. Kalari i dha qetësinë e duhur dhe besimin që ata të kishin fatin e ndeshjes në këmbët e tyre.

Largimi i italianëve? Të vërtetën e asaj gjëje e dinë vetëm ata, mund të spekullojmë. Nuk besoj se është frika e COVID se të ishte për frikë kishte më shuëm arsye të tejra. M0ë shumë ishte frika e rezultatit, mendoj se është një mënyrë për të shmangur një përgjegjësi që mund të vinte më mbrapa.

Një projekt i mirë nuk varet nga emrat e përveçëm, një projekt i mirë ka të bëjë me strukturat e qëndrueshme që pavarësisht emrit të garantojë vazhdimësi. Për shembull Juventusi fiton me tre trajnerë, ka ndryshuar emra e lojtarë, por rritja ka qenë e programuar. Trajneri Gega ka lënë një kujtim të mirë se arriti që të menaxhonte një grup dhe t?i jepte vlerat morale për t?u imponuar në fushë për të qenë kampion. Ndarja me të ka qenë për arsye personale, Gegës nuk iu mbyll dera te Partizani, kishte arsyet e tij. Por kur ti ndërton një ekip me lojtarë cilësorë, e ke strukturat, mund të ndryshish tarjnerin e lojtarët.

Pengu që kur jam unë pjesë e Partizanit është se kmei ndërruar 7 trajnerë, Unë do të doja nëj trajer që rri 3 vite te Partizani e t?i japë fizionominë e lojës ekipit. Jemi bazuar te principi I lojës, jo rezultatet, Sormani nuk ka pasur kurrë presionin e rezultateve. Këtë vit u tentua që të zëvendësohej Atanda me Bitrin e Boldor, dy zgjedhje që për mua janë më të mira, Hila me Brojën, pra nga ana teknike nuk kemi pasur humbje?, tha Rama.

Deklaratat e Egbo ? ?Derisa Egbo jep intervista te BBC do të thitë se ka arritur një sukses. Më ka bërë përshtypje, ka vite në Shqipëri, flet shqip, komunkion. Por që ta shtyjë të bëjë këtë deklaratë është e çuditshme. Nëse ka ndeshje ku do të ishte problem racizimi, do të ishte derbi. Nuk kam dëgjuar thirrje, tentativë, nuk kam parë as banana, as kumbull a limon të hidhet në fushë. Nuk ekziston në futbollin shqiptar kjo, aq më tepër tek Egbo për të cilin nuk kam dëgjuar asnjëherë të flitet si trajneri me ngjyrë, përkundrazi ka një simpati ndaj tij, Kjo është një deklaratë që shkon jashtë limiteve e Federata të mbajë qëndrim. Kemi shumë gjynahe por këtë nuk e kemi. Lojtarët e huaj që kemi në ekip mirëpriten, nuk ekziston, asnjëherë, nuk pasqyrohet as në raportet e ndeshjeve. Trajneri i parë afrikan që fiton në Europë nuk ka nevojë të bëjë reklamë që e ka pasur rrugën e vështirë se nuk e ka pasur,

Pastaj deklarata që kishte njerëz që u mërzitën që Tirana fitoi titullin për 100-vjetor me një afrikan në stol është një njollë që i vë titullit të Tiranës. U habita kur e lexova, nuk e kam dëgjuar në asnjë diskutim në ambientet sportive që të flitet për të si trajneri afrikan?.

Mungesa e Demit në stadium ? ?Në fakt ka qëlluar, ka qenë rastësis që e kam përcjellë. Presidenti Demi, në një fare mënyre për dashurinë që ka për futbollin, refuzon ta ndjekë ndeshjen në një stadium bosh?.

Çështja Çinari ? ?U bë pak mediatike, nuk e shoh fare si problem, situatë e qartë. Partizani është një palë e tretë që nuk duhej të përfundonte në gjyq. I kemi bërë të gjitha gjërat me ndershmëri, etikë, kemi paguar për Çinarin te klubi I Vllaznisë duke u siguruar si nga Vllaznia, Çinari e FSHF. E kemi apeluar, vendimi për pezullimin e dënimit finanviar e disiplinor merret shumë shpejt, do të kemi mundësi të bëjmë merkato. Por edhe po nuk bëmë, unë prapë besoj që kemi lojtarët dhe i kemi më të mirët.

Sigurisht ishim në dijeni, kemi dërguar objeksionet tona në raport me kërkesën e Istra. Çuditërisht nëë vendimin e dhënë, kur shtrohen faktet, thuhet që transferta nga Vllaznia te Alavesh është e dështuar se nuk ka kontratë e dokument. Por nuk merrem me Istran. Ne kemi kërkuar gjykim të përshpejtuar dhe vendimi i parë që merret është që pasi të hapet kërkesa është pezullimi i vendimit. Ai varet nga 3 faktorë që i plotësojmë dhe e shoh si aritmetikë, si një e një bëjnë dy dhe duhet të jetë e tillë?.





Lajmet e fundit nga