web counter
LEXO PA REKLAMA!

SHKARKO APP

App Store
Google Play

E fundit!

x

U mor i pandehur nga SPAK/ KPA pezullon nga detyra gjyqtarin Luan Daci

24 Korrik 2020, 15:29, Kronika CNA

Një ditë pas komunikimit të akuzës nga SPAK dhe marrjes si të pandehur të gjyqtarit Luan Daci, KPA ka vendosur ta pezullojë nga detyra, deri në marrjen e një vendimi përfundimtar nga organet e drejtësisë.

Daci  akuzohet për falsifikim të dokumenteve duke fshehur vendimin për shkarkimin e tij në vitin 1997.

Më herët Gjykata e Shkallës së Parë vendosi pezullimin e Dacit nga detyra por ishte apeli që e rrezoi këtë vendin duke e rikthyer në detyrë.

Njoftimi:

Pas vënies në dijeni nga vetë gjyqtar Luan Daci, për marrjen e tij në cilësinë e të pandehurit nga Prokuroria e Posaçme kundër Korrupsionit dhe Krimit të Organizuar, në Kolegjin e Posaçëm të Apelimit u zhvillua sot Mbledhja e Gjyqtarëve, e cila, me vendimin nr. 14, datë 24.07.2020, në zbatim të nenit C, pika 3 e Aneksit të Kushtetutës, të nenit 128, pika 3, germa ?b?, të nenit 179, pika 7, si dhe të nenit 179/b, pikat 5 dhe 6 të Kushtetutës së Republikës së Shqipërisë, vendosi:

1.Pezullimin nga detyra të gjyqtarit të Kolegjit të Posaçëm të Apelimit, z. Luan Daci.

2.Kolegji i Posaçëm i Apelimit, në funksion të ushtrimit të veprimtarisë normale të tij, duke respektuar pavarësinë dhe paanësinë e organeve proceduese, si dhe parimin e prezumimit të pafajësisë për gjyqtarin Luan Daci, u kërkon organeve proceduese të vijojnë me një proces të shpejtë, në përputhje me parashikimet e ligjit.

Ky vendim hyn në fuqi menjëherë. (vendimi i Mbledhjes së Gjyqtarëve)./CNA.al





Lajmet e fundit nga