Meta-Basha-Rama në dy llogore/ Kush po e hedh në kosh Kushtetutën

15 Korrik 2020, 17:39, Politikë CNA

Përplasjet për ndryshime kushtetuese që i hapin rrugë listave të hapura dhe shmangin koalicionet parazgjedhore kanë vijuar këtë të mërkurë nga njëra anë në një takim mes Presidentit Meta dhe Lulzim Bashës që zgjati 45 minuta dhe nga ana tjetër me shpjegimet e Ramës për afro 90 minuta. Kryeministri nga ana e tij, i qëndroi pozicionit se përtej marëveshjes së arritur me PD-LSI, këto forca politike nuk mund të kushtëzojnë ndërhyrje të tjera.

Gjatë takimit me Bashën, presidenti Meta foli për ?përpjekje të pashpresa për të cënuar Kushtetutën?, duke paralajmëruar se ?çdokush që punon kundër të ardhmes europiane të vendit do të mbajë përgjegjësi individuale dhe të drejtpërdrejtë?. Ai kërkoi gjithashtu ?braktisjen e menjëhershme të çdo përpjekjeje që minon procesin e hapjes së bisedimeve për anëtarësim në BE dhe që do të prapësonte për herë të parë në historinë e Shqipërisë një marrëveshje të dakordësuar me ndërmjetësimin më të lartë ndërkombëtar?, u shpreh ai gjatë bisedës.

Nga ana e tij Basha e quajti të papranueshme nismën e ndërmarrë nga shumica ndërsa u shpreh se ?kryeministri ka vendosur ta hedhë në kosh marrëveshjen e 5 qershorit dhe të ndryshojë në mënyrë të njëanshme Kushtetutën?.

Megjithatë në mënyrë të përmbledhur, Luli e ka sqaruar takimin gjatë pasdites, ku shkruan se ka ndarë së pari shqetësimet për situatën epidemike, për të dalë tek kryetema e që po lakohet në PD këto kohë me sondazhe të publikuara sa andej-këtej se opozita do marrë pushtetin.

“…Për shkak të keqmenaxhimit të pandemisë, vendi vazhdon të mbetet në listën e kuqe të Bashkimit Europian, duke i izoluar shqiptarët. Kriza e menaxhimit të pandemisë dhe ajo ekonomike, i ka rrënuar shqiptarët dhe zbrazur xhepat e tyre. Pikërisht në këtë situatë, Edi Rama po tenton të prishë një marrëveshje të negociuar me ndërmjetësimin e SHBA, BE dhe Britanisë Madhe, për t?i hapur rrugë zgjedhjeve me një klimë sadopak normale…

Prej frikës së Edi Ramës nga zgjedhjet dhe humbja e pushtetit, Shqipëria po rrezikon një izolim të dytë. Opozita e Bashkuar do të bëjë gjithçka që faturën, e cila do të jetë shumë e rëndë, të mos e paguajë Shqipëria dhe shqiptarët, por ta paguajnë ata që janë përgjegjësit e kësaj situate. Ndryshimi që duan shqiptarët është i pandalshëm dhe rotacioni politik i pashmangshëm”, sqaron Basha.

Megjithatë nëse shkojmë tek mesazhi i një diskutimi të gjatë të Ramës mund të nxjerrim këtë “zotim” të tij se do t’ja lejojë Lulit dhe të tjerëve në opozitë të bëjnë koalicione, pavarërisht nga “distancimi” pandemik, apo reflektimeve në draftin e Kodit Zgjedhor me listat e hapura.

?Koalicionet as nuk ndalohen as nuk mund të ndalohen. Ato thjesht do të jenë si në çdo vend të Evropës, ku partitë kanë të drejtën të grupohen me kandidatët e tyre. ?,-tha Rama.

Nga ana e tij ambasadori i Bashkimit europian Luigi Soreca, një ndër sponsorizuesit e marrëveshjes së 5 Qershorit së bashku me ambasadoren amerikane Yuri Kim, tha sot se parlamenti duhet ta miratojë atë sa më shpejt, duke kujtuar se ?reforma Zgjedhore është një kusht kyç për të filluar negociatat e anëtarësimit dhe se pa këtë Shqipëria nuk mund të fillojë konferencën e parë ndërqeveritare?. /CNA.al