web counter
LEXO PA REKLAMA!

SHKARKO APP

App Store
Google Play

E fundit!

x

Qëllohen me armë drejtori dhe shoferi i Voltana Ademit në Shkodër

14 Korrik 2020, 15:25, Kronika CNA

Qëllohet me armë zjarri drejtori i Ujësjellës Kanalizimeve në qytetin e Shkodrës dhe djali i tij. Ngjarja ka ndodhur rreth orës 16:00 pranë Stacionit të Trenit, ndërsa i plagosur, përveç drejtorit të Voltana Ademit,  Mark Molla ka mbetur edhe djali i tij, Kristjano Molla. Të dy janë qëlluar me armë në derën e banesës nga 43-vjeçari Mhill Pllumbaj, dhe sipas burimeve të CNA.al janë qëlluar me automatik nga një distancë prej 30 metrash, ndërsa autori i kapur tashmë po jep dëshminë në Polici.

Të plagosurit janë transportuar në spital dhe ndodhen jashtë rrezikut për jetën, ndërsa Policia  pasi ka arritur të arrestojë autorin e ngjarjes, shkruan se motiv për ngjarjen është është bërë një konflikt i çastit.

Policia thotë:

Plagosi me armë zjarri pas një konflikti të çastit, Drejtorin e Ujësjellësit në Bashkinë Shkodër dhe djalin e tij, kapet dhe prangoset në kohë rekord autori, falë reagimit të menjëhershëm dhe profesional të Policisë.

Rreth orës 16:00, në lagjen “Mark Lula”, në Shkodër, shtetasi M. P., para banesës së tij, pas një konflikti për motive të dobëta me shtetasin M. M, me detyrë Drejtor i Ujësjellësit në Bashkinë Shkodër dhe djalin e tij K. M., i ka plagosur të dy me armë zjarri pistoletë.

Shtetasi M. M. dhe djali i tij K. M. janë transportuar menjëherë në Spitalin Rajonal Shkodër, ku ndodhen jashtë rrezikut për jetën. Policia e Shkodrës dhe strukturat e DVP Shkodër, me marrjen e njoftimit, shkuan menjëherë në vendngjarje, duke bërë rrethimin e zonës dhe falë veprimeve të shpejta dhe profesionale bënë kapjen dhe arrestimin në flagrancë të autorit, shtetasit M. P, 43 vjeç, të cilit në momentin e kapjes shërbimet e Policisë i gjetën dhe sekuestruan edhe armën me të cilën ky shtetas plagosi shtetasit M. M. dhe K. M. /CNA.al

 





Lajmet e fundit nga