E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Hapja e listave vetëm brenda Rajoneve është një vrimë në ujë”/ Topollaj: Forcon sistemin e kryetarokracisë

11 Korrik 2020, 10:55, Politikë CNA

Anëtari i bordit drejtues të Bindjes Demokratike, Fabian Topollaj ndërsa komenton zhvillimet e fundit politike në lidhje me hapjen e listave të kandidatëve për deputetë, shkruan se ajo çfarë po ofron politika është një ?vrimë në ujë?.

Në një postim në rrjetet sociale, Topollaj thekson se hapja e listave vetëm brenda Rajoneve, pa korrigjim kombëtar është një vrimë në uji sepse thellon edhe më shumë pabarazinë e votës dhe forcon sistemin e kryetarokracisë.

Sipas tij, pa korrigjimin kombëtar, hapja e listave vetëm brenda Rajoneve duke ndaluar rrjedhimisht koalicionet parazgjedhore, e thellon edhe më shumë pabarazinë e votës në krahasim me sistemin ekzistues.

Gjithashtu ai shkruan se nëse listat nuk hapen në rang kombëtar por vetëm brenda Rajoneve, ateherë është i domosdoshëm që bashkë me atë qe quhet ?ndalimi i koalicioneve?, të bëhet edhe korrigjimi kombëtar.

?Hapja e listave vetëm brenda Rajoneve, pa korrigjim kombëtar është një vrimë në uji sepse thellon edhe më shumë pabarazinë e votës dhe forcon sistemin e kryetarokracisë.

Sa e vërtetë është që hapja e listave të kushtëzon që partitë politike të cilat dalin bashkë në zgjedhje të konkurojnë me një listë të përbashkët, aq e vërtetë është se hapja e listave vetëm brenda Rajoneve pa një korrigjim kombëtar është fare pa vlerë, përkundrazi.
Kjo sepse pa korrigjimin kombëtar, hapja e listave vetëm brenda Rajoneve duke ndaluar rrjedhimisht koalicionet parazgjedhore, e thellon edhe më shumë pabarazinë e votës në krahasim me sistemin ekzistues.
Pa korrigjimin, një parti e re që detyrohet të dali me listën e saj në zgjedhje, për të prodhuar një mandat rajonal, do i nevojiteshin 7% të votave në Durrës e Elbasan, 10% në Vlorë e Shkodër dhe mbi 20% në Rajonin e Kukësit, Dibrës apo Gjirokastrës.
Ose thënë me fjalë të tjera, një parti që merr në secilin Rajon nga 5% të votave, do mund të nxjerrë në parlament vetëm një deputet, me të votuarin e saj në Kryeqytet, askund tjetër.
Ndaj dhe sistemi rajonal me lista të hapura pa korrigjim, e thellon edhe më shumë pabarazinë e votës në krahasim me modelin ekzistues, ku partië e vogla apo të reja mund të prodhojnë mandate nëse hyjnë në koalicion me një nga partitë e medha me gjysmat e votave që nevojiten nëse dalin më vete.

Prandaj, nëse listat nuk hapen në rang kombëtar por vetëm brenda Rajoneve, ateherë është i domosdoshëm që bashkë me atë qe quhet ?ndalimi i koalicioneve?, të bëhet edhe korrigjimi kombëtar. Cdo gjë tjetër thellon pabarazinë e votës, madje edhe sistemin e kryetarokracisë në Shqipëri. Sepse Partitë e mëdha do fusin ne xhepin e tyre të gjitha votat e partive të tjera.?-shkruan Fabian Topollaj./ CNA.al