web counter
LEXO PA REKLAMA!

SHKARKO APP

App Store
Google Play

Foto/ "Robotët" e Serisë A, mes tyre edhe një ish-futbollist i Superligës

8 Korrik 2020, 15:09, Sport CNA

Serie A është në fazën finale të saj dhe futbollistët janë të rraskapitur nga kalendari i ngjeshur. Trajnerët, të favorizuar edhe nga mundësia e pesë zëvedësimeve janë mundurar të bëjnë sa më shumë rotacion. Gjithsesi janë disa lojtarë, të cilët duhet të jenë në fushë prej rëndësisë që kanë për skuadrën dhe trajnerët i sakrifikojnë, duke mos i dhënë pushim fare, ose fare pak.

Shembull i tillë është Alesio Romanjoli. Kapiteni i Milanit është një lojtar esencial për skuadrën e Piolit dhe italiani e ka të vështirë të bëjë pa të në repartin difensiv. 25-vjeçari është një lider në fushë, por edhe një mbrojtës i nivelit të lartë. Romanjoli i ka luajtur të gjitha ndeshjet me Milanin këtë sezon dhe nuk është zëvendësuar kurrë, pra nuk ka humbur asnjë minutë nga ndeshjet e skuadrës së tij këtë sezon. Thuajse e njëjta gjë ka ndodhur me një shqiptar.

Amir Rrahmani është siguri e madhe për trajnerin e Veronës, Juriç dhe ky i fundit e ka aktivizuar në të gjitha ndeshjet e Veronës këtë edicion. Ndryshe nga Romanjoli, kapiteni i Kosovës është zëvedësuar vetëm një herë dhe ka humbur 11 minuta, çka ka bërë që Rrahmani të jetë i dyti në këtë renditje. Shqiptari vazhdon të aktivizohet rregullisht, pavarësisht se pas mbylljes së sezonit ai do i bashkohet Napolit.





Lajmet e fundit nga